ଆଗଲପୁର, (ସୁଶିଳ କୁମାର ମିଶ୍ର) : ବଲାଙ୍ଗିର ଜିଲ୍ଲା ଆଗଲପୁର ବ୍ଲକରେ ସମସ୍ତ ସମିତି ସଭ୍ୟସଭ୍ୟା ଓ ସରପଂଚ ମାନଙ୍କ ଉପସ୍ଥିତିରେ ଏକ ବୈଠକ ଅନୁଷ୍ଠିତ ହୋଇଯାଇଛି । ବିଡିଓ ମହାପାତ୍ର କୁଳଦୀପ ମହାନ୍ତିଙ୍କ ସଭାପତିତ୍ୱରେ ଅନୁଷ୍ଠିତ ବୈଠକରେ ମୁଖ୍ୟ ଅତିଥିଭାବେ ଜିଲାପରିଷଦ ଅଧ୍ୟକ୍ଷା ଶ୍ରୀମତି ଦେବକି ସାହୁ ଉପସ୍ଥିତ ଥିଲେ । ସମ୍ମାନିତ ଅତିଥିଭାବେ ବ୍ଲକ ଅଧ୍ୟକ୍ଷା ଶ୍ରୀମତି ଗୀତାଞ୍ଜଳି ଦାଶ, ବ୍ଲକ ଉପାଧ୍ୟକ୍ଷା ଶ୍ରୀମତି ନିରୁପମା ପଧାନ, ଜୋନ ୨ର ଜିଲ୍ଲା ପରିଷଦ ସଭ୍ୟା ଶ୍ରୀମତି ବୀଣାପାଣି ଦାଶ , ଲୋଇସିଂହା ବିଧାୟକ ପ୍ରତିନିଧି ପିତାମ୍ବର କଣ୍ଟା ଯୋଗ ଦେଇଥିଲେ । ବ୍ଲକ ଗୋଷ୍ଠୀ ଶିକ୍ଷା ଅଧିକାରୀ ଶ୍ୟାମ ମେହେର, ଏବିଡିଓ ରୁଦ୍ରପ୍ରତାପ ସୁନା, ବ୍ଲକ ଯୋଗାଣ ଅଧିକାରୀ ସୌମ୍ୟରଂଜନ ମହାନନ୍ଦ, ସିଡିପିଓ ଶ୍ରୀମତି ଶୁଭଶ୍ରୀ ମିଶ୍ର, ଆଗଲପୁର ଗୋଷ୍ଠୀ ସ୍ୱାସ୍ଥ୍ୟ ଅଧିକାରୀ ଧିରେନ୍ଦ୍ର ମେହେର ପ୍ରମୁଖ ସମସ୍ତ ବିଭାଗିୟ ଅଧିକାରୀଙ୍କ ଉପସ୍ଥିତିରେ ଜଳ ଓ ପରିମଳ ଯନ୍ତ୍ରୀ ଦୁର୍ଗାପ୍ରସାଦ ମିଶ୍ର ଓ ଅରବିନ୍ଦ ମହାନ୍ତି ବିଭିନ୍ନ ସମସ୍ୟା ଉପରେ ଆଲୋଚନା କରିଥିଲେ । ଶିକ୍ଷା, ସ୍ୱାସ୍ଥ୍ୟ, କୃଷି, ଗମନାଗମନ, ଜଳ ଓ ପରିମଳ, ଖାଦ୍ୟ ଯୋଗାଣ, ଶିଶୁ ବିକାଶ, ଉଦ୍ୟାନ, ପଶୁ ଆଦି ବିଭାଗ ଉପରେ ଆଲୋଚନା ହୋଇଥିବା ସୂଚନାରୁ ପ୍ରକାଶ ।