କଣ୍ଟାବାଞ୍ଜି, (ମନୀଷ କୁମାର ହଂସ) : ସାଧାରଣତନ୍ତ୍ର ଦିବସ ଅବସରରେ ରୋଗୀ କଲ୍ୟାଣ ସମିତିର ଅଧ୍ୟକ୍ଷ ତଥା ବିଧାୟକ ସନ୍ତୋଷ ସିଂ ସାଲୁଜା ସ୍ଥାନୀୟ ସରକାରୀ ଡାକ୍ତରଖାନାରେ ମିଷ୍ଠାନ୍ନ ବଣ୍ଟନ କରିଛନ୍ତି । ଡାକ୍ତରଖାନାରେ ଥିବା ସମସ୍ତ ଅନ୍ତେବାସୀ ଏବଂ ରୋଗୀମାନଙ୍କୁ ବିଧାୟକ ମିଷ୍ଠାନ୍ନ ବଣ୍ଟନ କରିବା ସହିତ ଡାକ୍ତରଖାନାର ବିଭିନ୍ନ ସମସ୍ୟା ମାନ ରୋଗୀ ମାନଙ୍କଠାରୁ ବୁଝି ରୋଗୀଙ୍କୁ ଉଚିତ ସେବା ଦେବା ପାଇଁ ସୁପରିଟେଣ୍ଡେଣ୍ଟ ଏସ.ପି.ଡି. ପଣ୍ଡାଙ୍କୁ ଅନୁରୋଧ କରିଛନ୍ତି । ଗ୍ରାମାଞ୍ଚଳର ଜନସାଧାରଣ ଏହି ଡାକ୍ତରଖାନା ଉପରେ ନିର୍ଭର କରୁଥିବାରୁ ସେମାନଙ୍କୁ ଉତ୍ତମ ସେବା ଯୋଗାଇ ଦେବାପାଇଁ କହିଛନ୍ତି । ବିଧାୟକ ଡାକ୍ତରଖାନାରେ ପରିଦର୍ଶନ ବେଳେ ଏନ.ଏ.ସି. ନିର୍ବାହୀ ଅଧିକାରୀ ସାମ୍ମି ରେଡ୍ଡି ଜୟଶ୍ରୀ ସହ ଅନ୍ୟ କର୍ମକର୍ତ୍ତାମାନେ ଉପସ୍ଥିତ ଥିଲେ ।