ରାୟପୁର : ଛତିଶଗଡରେ ଆଦିବାସୀଙ୍କ ଅନ୍ତିମ ସଂସ୍କାର ସମ୍ପର୍କରେ ଏକ ନୂଆ ବିତର୍କ ଆରମ୍ଭ ହୋଇଛି ।ରାଜ୍ୟର କବୀରହମ୍ ଜିଲ୍ଲାରେ ଦୁଇ ଦିନ ଧରି ଚାଲିଥିବା ଗୋଣ୍ଡ ଆଦିବାସୀମାନଙ୍କର ସାଧାରଣ ସଭାରେ ନିଷ୍ପତ୍ତି ନିଆଯାଇଛି ଯେ, ମୃତ ଶରୀରକୁ ଆଉ ଗୋଣ୍ଡ ସମାଜରେ ପୋଡ଼ି ଦିଆଯିବ ନାହିଁ, ବରଂ ମୃତ ଶରୀରକୁ ମାଟିରେ ପୋତି ଦିଆଯିବ ।
ଏହି ଗୋଣ୍ଡ ମହାସଭା ଏବଂ ଯୁବକ ଯୁବତୀ ପରିଚୟ ସମ୍ମିଳନୀରେ ସାମାଜିକ ତଥା ପାରିବାରିକ କାର୍ୟ୍ୟକ୍ରମରେ ମଦ୍ୟପାନ ଉପରେ ନିଷେଧାଦେଶ ପ୍ରସ୍ତାବ ମଧ୍ୟ ପାରିତ ହୋଇଥିଲା । ଏହା ବ୍ୟତୀତ ଗୋଣ୍ଡ ସମାଜରେ ଅମାତ ଗୋଣ୍ଡ, ଧ୍ରୁବ ଗୋଣ୍ଡ, ରାଜ ଗୋଣ୍ଡ ପରି ବିଭାଜନକୁ ରଦ୍ଦ କରିବାକୁ ନିଷ୍ପତ୍ତି ନିଆଯାଇଛି ।
କବୀରଦାମ ଜିଲ୍ଲାର ଗୋଣ୍ଡ ସମାଜର ମହାସଚିବ ସିଦ୍ଧରମ ମେରାବୀ କହିଛନ୍ତି, “ଗତ କିଛି ବର୍ଷ ମଧ୍ୟରେ ବହୁତ ଗଛଗୁଡିକୁ କଟାଯାଇଛି । ମୃତ ଶରୀରକୁ ଜାଳିବା ପାଇଁ ବହୁ ସଂଖ୍ୟକ କାଠ ବ୍ୟବହାର କରାଯାଇଥାଏ । ତେଣୁ ଏହା ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି । ବୃକ୍ଷ ସଂରକ୍ଷଣକୁ ଦୃଷ୍ଟିରେ ରଖି ଆମେ ଏହାକୁ ଆମ ସମ୍ବିଧାନରେ ଅନ୍ତର୍ଭୁକ୍ତ କରିଛୁ ।”
ରାଜ୍ୟରେ ସର୍ବ ଆଦିବାସୀ ସମାଜର ବିଦାୟୀ ସଭାପତି ବିପିଏସ୍ ନେଟାମ କହିଛନ୍ତି ଯେ ଆଦିବାସୀମାନେ ଆରମ୍ଭରୁ ଶବକୁ ମାଟିରେ ପୋତି ଦେବାର ପରମ୍ପରା ଥିଲା । କିନ୍ତୁ ହିନ୍ଦୁ ଧର୍ମର ପ୍ରଭାବରେ କେତେକ ଅଂଚଳରେ ଶବ ପୋଡ଼ା ଯାଇଛି । ବର୍ତ୍ତମାନ ଏହି ନିଷ୍ପତ୍ତି ସେମାନଙ୍କୁ ମଧ୍ୟ ପ୍ରଭାବିତ କରିବ ।
