ଆଗଲପୁର, (କେପିଏନ୍ଏସ୍) :ଆଗଲପୁର ବ୍ଲକ କଂଗ୍ରେସର ପୂର୍ବତନ ସଭାପତି ତଥା ଭରସୂଜା ପଞ୍ଚାୟତର ପୂର୍ବତନ ସରପଞ୍ଚ ପରକ୍ଷିତ ସାହୁ (ଜଟିଆ)ଙ୍କ ୮୩ ବର୍ଷ ବୟସରେ ଗତ ୩.୧୨.୨୩ରେ ପରଲୋକ ହୋଇଯାଇଛି । ପୁତ୍ର ଅଶୋକ ସାହୁ, ଅକ୍ଷୟ ସାହୁ ନାତି ଗଣେଶ ସାହୁ, ସଚିନ ସାହୁ ଏବଂ ସଂପର୍କୀୟଙ୍କ ଉପସ୍ଥିତରେ ପୁରୀ ସ୍ୱର୍ଗଦ୍ୱାରରେ ତାଙ୍କ ଶେଷକୃତ୍ୟ ସମ୍ପନ୍ନ ହୋଇଛି । ତାଙ୍କ ଧର୍ମପତ୍ନୀ ତଥା ପୂର୍ବ ସରପଞ୍ଚ ସରକି ସାହୁ ମଧ୍ୟ ୯ ବର୍ଷ ପୂର୍ବେ ଠିକ୍ ଏହି ତାରିଖ(୩.୧୨.୧୪)ରେ ଇହଧାମ ତ୍ୟାଗ କରିଥିଲେ । ସ୍ୱର୍ଗତ ସାହୁଙ୍କ ବିୟୋଗରେ ଅଞ୍ଚଳରେ ଶୋକର ଛାୟା ଖେଳି ଯାଇଛି ।