ହାପି ମୋମେନ୍ଟସ୍ ଇଣ୍ଡିଆର ନବମ ପ୍ରତିଷ୍ଠା ଦିବସ ପାଳିତ

ରାଉରକେଲା, (ସସ୍ମିତା ପ୍ରଧାନ) : ସାମାଜିକ ତଥା ସାଂସ୍କୃତିକ ଅନୁଷ୍ଠାନ ହାପି ମୋମେନ୍ଟସ୍ ଇଣ୍ଡିଆର ନବମ ପ୍ରତିଷ୍ଠା ଦିବସ ଓ ସମ୍ବର୍ଦ୍ଧନା ସଭା ବସ୍ତିଆ ଭବନଠାରେ ଅନୁଷ୍ଠିତ ହୋଇଯାଇଛି । ଅନୁଷ୍ଠାନର ଅଧ୍ୟକ୍ଷ ରାଜେନ୍ଦ୍ର ପ୍ରସାଦ ପଣ୍ଡାଙ୍କ ଅଧ୍ୟକ୍ଷତା ଓ ମୋନାଲିସା ସାହୁଙ୍କ ସଂଯୋଜନାରେ ଆୟୋଜିତ ଏହି କାର୍ଯ୍ୟକ୍ରମ ସକାଳ ୯ଟାରୁ ଆରମ୍ଭ ହୋଇ ରାତି ୯ଟା ପର୍ଯ୍ୟନ୍ତ ଚାଲିଥିଲା । ଏହି ଅବସରରେ ସବୁ ବର୍ଗର ପ୍ରତିଯୋଗୀଙ୍କ ପାଇଁ ଚିତ୍ରାଙ୍କନ, ନୃତ୍ୟ, ସଂଗୀତ, ମଡେଲିଂ, ଫେନସି ଡ୍ରେସ, ରାୟିମ୍ସ ଓ ଜୁନୁନ ଯୁଗଳବନ୍ଦୀ କାର୍ଯ୍ୟକ୍ରମ କରାଯାଇ କୃତିତ୍ୱ ହାସଲ କରିଥିବା ପ୍ରତିଯୋଗୀମାନଙ୍କୁ ପୁରସ୍କୃତ କରାଯାଇଥିଲା । ଏହା ବ୍ୟତୀତ ସାମାଜିକ ପ୍ରତିବଦ୍ଧତା ନେଇ କାର୍ଯ୍ୟ କରୁଥିବା ଭଜକୃଷ୍ଣ ସାରସ୍ୱତ ସ୍ମୃତି ସଂସଦ, ସିଟି ନିଉଜ, ଏକତା ଗୃପ, ଯାଜ୍ଞସେନୀ ଓ ଲେଡି ଲାୟନ ହେଲପିଂ ଅର୍‌ଗାନାଇଜେସନକୁ ସ୍ୱତନ୍ତ୍ର ଭାବେ ସମ୍ବର୍ଦ୍ଧିତ କରାଯାଇଥିଲା । ଏହି କାର୍ଯ୍ୟକ୍ରମରେ ଅସ୍ଥିଶଲ୍ୟ ବିଶେଷଜ୍ଞ ଡାକ୍ତର କିରଣ ମିଶ୍ର, ରଂଜିତା ରଥ, ଗୌତମ ମିଶ୍ର, ନରେଶ ଆର୍ଯ୍ୟ, ଆଶା ଆର୍ଯ୍ୟ, ଡାକ୍ତର ଆର ସି ମେହେର, ମଞ୍ଜୁ ମେହେର, କୁମାର ବେହେରା, ପ୍ରଦୀପ ବିଶୋଇ, ସୁସ୍ମିତା ମହାପାତ୍ର, ଆଶା ଅଗ୍ରୱାଲ ପ୍ରମୁଖ ଅତିଥି ଭାବେ ଯୋଗଦେଇ କାର୍ଯ୍ୟକ୍ରମକୁ ପ୍ରଶଂସା କରିବା ସହ କୃତି ପ୍ରତିଯୋଗୀମାନଙ୍କୁ ପୁରସ୍କୃତ କରିଥିଲେ । ବିଭିନ୍ନ ପ୍ରତିଯୋଗିତାରେ ମାନସୀ ଦେ, ମୀରା ମିଶ୍ର, ରବର୍ଟ ହାଇଫିଲ, ଜ୍ୟୋତିର୍ମୟ ଆଚାର୍ଯ୍ୟ, ସୋନୁ ତନ୍ତୀ, ସ୍ନେହଲତା ପାତ୍ର, ରଶ୍ମିରେଖା ଧଳ ପ୍ରମୁଖ ବିଚାରକ ଦାୟିତ୍ୱ ତୁଲାଇ ଥିବା ବେଳେ ସର୍ବଶ୍ରୀ ମୁରଲୀ ପଟ୍ଟନାୟକ, ରଶ୍ମିତା ପଣ୍ଡା, ଲିତାଞ୍ଜଳି ପତି, ଜିତେନ୍ଦ୍ର ପଣ୍ଡା, ଦିବାକର ଦାସ, କଲ୍ୟାଣୀ ଦାସ, ସଲିତ ପତି, ତରୁଲତା ସାମଲ, ଅନ୍ୱେଷା ପଣ୍ଡା, ଆଦ୍ୟାଶା ପଣ୍ଡା, ରାମଚନ୍ଦ୍ର ଜେନା, ଜନ୍ମଞ୍ଜୟ ଦାସ, ଶେସଲିନା ବିଶ୍ୱାଳଙ୍କ ସମେତ ବହୁ ସଭ୍ୟ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ । ଅନ୍ୟ ବିଶିଷ୍ଟ ବ୍ୟକ୍ତିମାନଙ୍କ ମଧ୍ୟରେ ବସୁମତୀ ମହାନ୍ତି, ଗୌରୀ କୁମ୍ଭାର, ସସ୍ମିତା ପ୍ରଧାନ, ବିଶ୍ୱଜିତା ମହାପାତ୍ର ପ୍ରମୁଖ ଉପସ୍ଥିତ ଥିଲେ ।