ଢେଙ୍କାନାଳ, (ତାପସ ଦାସ) : ମୃତ୍ୟୁ କେମିତି କେତେବେଳେ ଆସେ କିଏ ବି କହିପାରେନି । କୂଅରେ ପଡିଯାଇ ଏକ ୫ ବର୍ଷର ଶିଶୁ ପୁତ୍ରର ମୃତ୍ୟୁ ହୋଇଥିବା ଖବର ମିଳିଛି । ସୂଚନା ଅନୁସାରେ ଏଭଳି ଦୁଃଖଦ ଖବର ଘଟିଛି ଢେଙ୍କାନାଳ ଜିଲ୍ଲାର ଗଁଦିଆ ବ୍ଲକ ପାଳଗାଣ୍ଡୁଆ ଗ୍ରାମରେ । ନାଁ ତାର ଟକୁଲ ଖଟୁଆ, ପିତା ଶୁକାନ୍ତ ଖଟୁଆ, ମା’ ସରସ୍ୱତୀ ଖଟୁଆ ଆଜି ଦିନ ୯ଟା ସମୟରେ ଘରପାଖର ଏକ ପାଣି କୂଅ ପାଖରେ ପିଲାଟି ଖେଳୁଥିବା ବେଳେ ଗୋଡ଼ ଖସିଯାଇଥିଲା । କେହି ନ ଥିବା ବେଳେ ପିଲାଟି କୂଅ ଭିତରେ ବୁଡି ଯାଇ ମୃତ୍ୟୁୁ ହୋଇଥିଲା । ୨ରୁ ୩ଘଣ୍ଟା ବିତି ଗଲାପରେ । ଖୋଜା ଖୋଜି ଆରମ୍ଭହେବାରୁ କୂଅ ଭିତରେ ଟୁକୁଲର ମୃତ ଶରୀର ଭାସୁଥିବା ଦେଖିବାକୁ ମିଳିଥିଲା ।