ଡେଲାଙ୍ଗ, (ଦିଲ୍ଲୀପ କୁମାର ଧାଉଡିଆ) : ଓଜୋନ ହେଉଛି ତିନୋଟି ଅମ୍ଳଜାନ ପରମାଣୁରେ ଗଠିତ ଏକ ଅଣୁ, ଯାହା ପ୍ରାୟତ ୩ ଭାବରେ ସୂଚିତ । ଓଜୋନ ସ୍ତର ପୃଥିବୀ ପୃଷ୍ଠରୁ ପ୍ରାୟ ୧୫-୩୦ କିଲୋମିଟର ଉପରେ ଥିବା ଷ୍ଟ୍ରାଟୋସ୍ପିୟର ମିଳିଥାଏ । ଏହା ସମଗ୍ର ଧରିତ୍ରୀ ଗ୍ରହକୁ ଆଚ୍ଛାଦନ କରେ ଏବଂ ସୂର୍ଯ୍ୟଙ୍କଠାରୁ କ୍ଷତିକାରକ ଅଲଟ୍ରାଭାଇଓଲେଟ୍-ବି ବିକିରଣ ଗ୍ରହଣ କରି ପୃଥିବୀର ଜୀବନକୁ ରକ୍ଷା କରିଥାଏ । ଓଜୋନ୍ ହ୍ରାସକାରୀ ପଦାର୍ଥର ନିୟନ୍ତ୍ରିତ ବ୍ୟବହାର ଏବଂ ଆନୁସଙ୍ଗିକ ହ୍ରାସ କେବଳ ବର୍ତ୍ତମାନ ଏବଂ ଭବିଷ୍ୟତ ପିଡି ପାଇଁ ଓଜୋନ୍ ସ୍ତରକୁ ସୁରକ୍ଷା ଦେବାରେ ସାହାଯ୍ୟ କରିବାରେ ସିମୀତ ନୁହ, ଜଳବାୟୁ ପରିବର୍ତ୍ତନକୁ ଦୂର କରିବା ପାଇଁ ବିଶ୍ୱସ୍ତରୀୟ ପ୍ରୟାସରେ ମଧ୍ୟ ବିଶେଷ ଅବଦାନ ରଖିଛି; ଅଧିକନ୍ତୁ, ଏହା ପୃଥିବୀକୁ କ୍ଷତିକାରକ ଅଲଟ୍ରାଭାଇଓଲେଟ୍ ବିକିରଣକୁ ସୀମିତ କରି ମାନବ ସ୍ୱାସ୍ଥ୍ୟ ଏବଂ ପରିସଂସ୍ଥା ବା ଇକୋସିଷ୍ଟମକୁ ସୁରକ୍ଷା ଦେଇଛି । ୧୯୯୪ରେ, ମିଳିତ ଜାତିସଂଘ ସାଧାରଣ ସଭା (ୟୁଏନ୍ଜିଏ) ୧୬ ସେପ୍ଟେମ୍ବରକୁ “ଓଜୋନ୍ ସ୍ତରର ସଂରକ୍ଷଣ ପାଇଁ ଆନ୍ତର୍ଜାତୀୟ ଦିବସ” ବା “ବିଶ୍ଵ ଓଜନ ଦିବସ” ଘୋଷଣା କରି ୧୯୮୭ ମସିହାରେ ଓଜୋନ୍ ସ୍ତରକୁ ବିଲୋପ କରୁଥିବା ପଦାର୍ଥ ଉପରେ ମୋଣ୍ଟ୍ରିଆଲ୍ ପ୍ରୋଟୋକଲ୍ ସ୍ୱାକ୍ଷର ହେବାର ଦିନକୁ ସ୍ମରଣ କରେ । ମୋଣ୍ଟ୍ରିଆଲ୍ ପ୍ରୋଟୋକଲ୍ ଲକ୍ଷ୍ୟ ରଖିଛି ଯେ, ବୈଜ୍ଞାନିକ ଜ୍ଞାନ ଏବଂ ବୈଷୟିକ ସୂଚନାଗୁଡିକର ବିକାଶ ଆଧାରରେ ସେଗୁଡିକୁ ବିଲୋପ କରିବାର ମୂଳ ଉଦ୍ଦେଶ୍ୟ ସହିତ ସମୁଦାୟ ବିଶ୍ଵ ଉତ୍ପାଦନ ଏବଂ ପଦାର୍ଥର ବ୍ୟବହାରକୁ ନିୟନ୍ତ୍ରଣ କରିବା ପାଇଁ ପଦକ୍ଷେପ ଗ୍ରହଣ କରି ଓଜୋନ୍ ସ୍ତରକୁ ସୁରକ୍ଷା ଦେବା । ମୋଣ୍ଟ୍ରିଆଲ୍ ପ୍ରୋଟୋକଲ୍ ଓଜୋନ୍ ସ୍ତରର ପୁନରୁଦ୍ଧାର ଏବଂ ଜଳବାୟୁ ପରିବର୍ତ୍ତନ ହ୍ରାସ ଉପରେ ସକରାତ୍ମକ ପ୍ରଭାବ ପକାଇଛି । ଏହି ପଦାର୍ଥଗୁଡ଼ିକ ଏୟାର କଣ୍ଡିସନର, ରେଫ୍ରିଜରେଟର ଇତ୍ୟାଦିରେ ବ୍ୟବହୃତ ହୁଏ । ୨୦୨୪ ପାଇଁ ଥିମ୍ ହେଉଛି “ମୋଣ୍ଟ୍ରିଆଲ୍ ପ୍ରୋଟୋକଲ୍: ଜଳବାୟୁ ପରିବର୍ତନ ଜନିତ ମୁକାବିଲା କାର୍ଯ୍ୟକୁ ତ୍ୱରାନ୍ୱିତ କରିବା” । ଏହା ଉଭୟ ଓଜୋନ୍ ସ୍ତରର ସୁରକ୍ଷା ତଥା ବିଶ୍ୱବ୍ୟାପୀ ବ୍ୟାପକ ଜଳବାୟୁ ସୁଧାର କାର୍ଯ୍ୟ ପଦକ୍ଷେପ ଚଳାଇବାରେ ମୋଣ୍ଟ୍ରିଆଲ୍ ପ୍ରୋଟୋକଲ୍ର ଗୁରୁତ୍ୱପୂର୍ଣ୍ଣ ଭୂମିକାକୁ ପ୍ରତିଫଳିତ କରିଥାଏ ।