ପାଟଣାଗଡ, (କେପିଏନ୍ଏସ୍) : ଲରମ୍ଭା ଆଦର୍ଶ ବୀଣାପାଣି ଫୁଟବଲ କ୍ଲବ ଆନୁକୂଲ୍ୟରେ ଜିଲ୍ଲାସ୍ତରୀୟ ଫୁଟବଲ୍ ଟୁର୍ଣ୍ଣାମେଣ୍ଟ ଉଦ୍ଯାପିତ ହୋଇଯାଇଛି । ଲରମ୍ଭା ଖେଳପଡ଼ିଆରେ ଦୀର୍ଘ ୫ ଦିନ ବ୍ୟାପୀ ଫୁଟବଲ୍ ଖେଳ ଚାଲିଥିଲା । ଫାଇନାଲ ଫୁଟବଲ ଟୁର୍ଣ୍ଣାମେଣ୍ଟରେ ଢୁଲୁସର ଫୁଟବଲ୍ ଟିମ୍ ତମିଆକୁ ୧-୦ ଗୋଲରେ ହରାଇ ବିଜୟୀ ହୋଇଥିଲେ । ଉଦ୍ଯାପନୀ କାର୍ଯ୍ୟକ୍ରମରେ ମୁଖ୍ୟ ଅତିଥି ରାଜ୍ୟସଭା ସାଂସଦ ନିରଞ୍ଜନ ବିଶି ଯୋଗଦେଇ କହିଥିଲେ ଯେ, ଗ୍ରାମାଞ୍ଚଳର ଖେଳାଳି ମାନଙ୍କ ଲୁକ୍କାୟିତ କ୍ରୀଡ଼ା ପ୍ରତିଭାକୁ ଲୋକଲୋଚନକୁ ଆଣିବା ପାଇଁ ଏହି ଫୁଟବଲ୍ ଟୁର୍ଣ୍ଣାମେଣ୍ଟ ଆୟୋଜନ ହୋଇଛି । ଗ୍ରାମାଞ୍ଚଳର ଫୁଟବଲ, ଭଲିବଲ, ଖୋଖୋ, କବାଡି, କ୍ରିକେଟ୍ ଖେଳାଳିମାନଙ୍କୁ ଉତ୍ସାହିତ କରିବା ପାଇଁ ଟୁର୍ଣ୍ଣାମେଣ୍ଟ ଆୟୋଜନ କରୁଥିବା ସଙ୍ଗଠନ ଗୁଡିକୁ ରାଜ୍ୟସଭା ସାଂସଦ ବିଶି ପ୍ରଶଂସା କରିଥିଲେ । ସରକାରୀ ନିଯୁକ୍ତିରେ ସ୍ପୋର୍ଟ୍ସ କୋଟାରେ ଶତକଡା ୫ ପ୍ରତିଶତ ସଂରକ୍ଷଣ ସୁବିଧା ଥିବାରୁ ଯୁବ ଖେଳାଳି ମାନଙ୍କୁ ନିୟମିତ ଖେଳ ଅଭ୍ୟାସ ପାଇଁ ସାଂସଦ ଶ୍ରୀ ବିଶି ଉଦ୍ବୋଧନ ଦେଇଥିଲେ । ବିଜୟୀ ଢୁଲୁସର ଦଳକୁ ମୁଖ୍ୟ ଅତିଥି ରାଜ୍ୟସଭା ସାଂସଦ ନିରଞ୍ଜନ ବିଶି ଟ୍ରଫି ପ୍ରଦାନ କରି ଉତ୍ସାହିତ କରିଥିଲେ । ପୁରସ୍କାର ବିତରଣ କାର୍ଯ୍ୟକ୍ରମରେ ଲରମ୍ଭା ସରପଞ୍ଚ ପ୍ରତିନିଧି ନାରାୟଣ ଡୁଡୁକା, ଆଇନଜୀବୀ ରାଧେଶ୍ୟାମ ମିଶ୍ର, ଚିନ୍ତାମଣି ଭୋଇ, ଚନ୍ଦ୍ରଶେଖର ବାଗ, କ୍ଲବର ସଭାପତି, ସମ୍ପାଦକ, ସମସ୍ତ କର୍ମକର୍ତ୍ତା ସହଯୋଗ କରିଥିଲେ ।