ମାର୍କେଟ ବିଲ୍ଡିଂ ଅଂଚଳରେ ଦେଖିବାକୁ ମିଳିଲା ପ୍ରବଳ ଜନଗହଳି : ବିଏମସି ଓ କମିସନରେଟ୍ ପୋଲିସ ପହଞ୍ଚି ୪୮ ଘଣ୍ଟା ପାଇଁ ସିଲ୍ କରିଦେଲେ ମାର୍କେଟ ବିଲ୍ଡିଂକୁ

ଭୁବନେଶ୍ୱର, (ସୁଶାନ୍ତ ସାହୁ) : କୋଭିଡ ଆକ୍ରାନ୍ତଙ୍କ ସଂଖ୍ୟା ଦେଶରେ ତଥା ରାଜ୍ୟରେ ଦିନକୁ ଦିନ ବଢି ବଢି ଚାଲିଥିବା ବେଳେ ସଂକ୍ରମଣକୁ ରୋକିବା ପାଇଁ ସରକାରଙ୍କ ଦ୍ୱାରା କଡାକଡି ଭାବରେ କୋଭିଡ ନିୟମ ପାଳନ କରାଯିବା ପାଇଁ କୁହାଯାଇଛି । ତେବେ ଭୁବନେଶ୍ୱର ସ୍ଥିତ ମାର୍କେଟ ବିଲ୍ଡିଂ ଠାରେ ଗତ କିଛି ଦିନ ଧରି ପ୍ରବଳ ଜନଗହଳି ଦେଖିବାକୁ ମିଳିଥିଲା । ଏହା ସହିତ କୋଭିଡ-୧୯ ଗାଇଡଲାଇନର ଖୋଲାଖୋଲି ଉଲ୍ଲଂଘନ କରୁଥିଲେ ଏଠାକାର ଦେକାନୀ ଏବଂ ଲୋକମାନେ । ତେବେ କୌଣସି ସୂତ୍ରରୁ ଖବର ପାଇ ବିଏମସି ଓ କମିସନରେଟ୍ ପୋଲିସ ପହଞ୍ଚି ମାର୍କେଟ ବିଲ୍ଡିଂ ଉପରେ କଡାକଡି ଭାବେ ପଦକ୍ଷେପ ଗ୍ରହଣ କରି ୪୮ ଘଣ୍ଟା ପାଇଁ ସିଲ୍ କରିଥିଲେ ।