ସଇଁତଲା, (ପ୍ରମୋଦ ସେଲମା) : ବଲାଙ୍ଗିର ଜିଲ୍ଲା ସଇଁତଲା ଥାନା ବେଲଗାଁ ଫାଣ୍ଡି ସ୍ଥିତ ଯାନୀପଡା ଚାଷ ଜମିଠାରେ ଏକ ଅଜଣା ବ୍ୟକ୍ତିଙ୍କ ଶବ ସଇଁତଲା ପୋଲିସ ଶବ ଉଦ୍ଧାର କରିଥିବା ଖବର ମିଳିଛି । ମିଳିଥିବା ସୂଚନା ଅନୁସାରେ ଆଜି ସକାଳ ୭ ଘଣ୍ଟା ସମୟରେ ଯାନୀପଡା କିଛି ମହିଳାମାନେ ଚାଷଜମିକୁ ଯାଇଥିବା ବେଳେ ଜଣେ ଅଜଣା ବ୍ୟକ୍ତି ପଳାସ ଗଛରେ ଗାମୁଛା ଲଗାଇ ଆତ୍ମହତ୍ୟା କରିଥିବା ଦେଖିବାକୁ ପାଇଥିଲେ ଓ ତୁରନ୍ତ ଫାଣ୍ଡିକୁ ଜଣାଇଥିଲେ । ମୃତ ବ୍ୟକ୍ତିଙ୍କ ପରିଚୟ ଅସ୍ପଷ୍ଟ ଥିବା ବେଳେ ତାଙ୍କର ବୟସ ପାଖାପାଖି ୬୦/୭୦ ହେବ ବୋଲି ଅନୁମାନ କରାଯାଉଛି । ଖବର ପାଇ ଟିଟିଲାଗଡ଼ ଏସ୍ଡ଼ିପିଓ ଅଙ୍କିତା କୁମ୍ଭାର, ସଇଁତଲା ଆଇଆଇସି ଅବନୀ କୁମାର ସାହୁ, ଏସ୍ଆଇ ସଂଗୀତା ବେକ, ଏଏସ୍ଆଇ ଥବିର ମହାରଣା, ଅରକ୍ଷିତ ନାୟକ, ବେଲଗାଁ କନେଷ୍ଟବଳ ହେମନ୍ତ ସାହୁ ଓ ପ୍ରମୋଦ ପ୍ରଧାନ ଘଟଣାସ୍ଥଳରେ ପହଞ୍ଚି ଶବଟିକୁ ଜବତ କରି କରିବା ସହ ଶବ ବ୍ୟବଚ୍ଛେଦ ପାଇଁ ବଲାଙ୍ଗିର ଭୀମଭୋଇ ଡାକ୍ତରଖାନାକୁ ପଠାଇଥିବା ସୂଚନା ଦେଇଛନ୍ତି । ଏଥିରେ ଥାନା କେସ ନଂ ୦୪/୨୩ରେ ଏକ ମାମଲା ରୁଜୁ କରି ଥାନା ଏଏସ୍ଆଇ ଅରକ୍ଷିତ ନାୟକ ଘଟଣାର ତଦନ୍ତ କରୁଛନ୍ତି । ଅନ୍ୟପଟେ ଏହା ହତ୍ୟା ନା ଆତ୍ମହତ୍ୟା ତାହା ସ୍ପଷ୍ଟ ଭାବେ ଜଣାପଡୁ ନ ଥିବା ବେଳେ ପୋଲିସର ଶବ ବ୍ୟବଛେଦ ରିପୋର୍ଟ ଆସିଲା ପରେ ପୁରା ଘଟଣା ଉପରୁ ପରଦା ହଟିବ ବୋଲି ପୋଲିସ ସୂଚନା ଦେଇଛି ।