ଜି.ଉଦୟଗିରି : ଘର କାନ୍ଥରେ ପିଟି ହେଲା ଟ୍ରାକ୍ଟର । ଡ୍ରାଇଭରଙ୍କ ମୃତ୍ୟୁ । କନ୍ଧମାଳ ଜିଲ୍ଲା ଜି.ଉଦୟଗିରି ଶଙ୍ଖସାହି ନିକଟରେ ଦୁର୍ଘଟଣା ଘଟି ଜଣଙ୍କର ମୃତ୍ୟୁ ହୋଇଥିବା ବେଳେ ୨ଜଣ ଆହତ ହୋଇଥିବା ଜଣାପଡ଼ିଛି । ସମସ୍ତ ଆହତଙ୍କୁ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି । ପ୍ରକାଶ ଯୋଗ୍ୟ ଯେ, ଏକ ଟ୍ରାକ୍ଟର ଦ୍ରୁତ ଗତିରେ ଦାରିଙ୍ଗିବାଡ଼ିରୁ ବାଲୁମାହା ଅଭିମୁଖେ ଆସୁଥିଲା । ଏହି ସମୟରେ ଟ୍ରାକ୍ଟରଟି ଶଙ୍ଖସାହି ନିକଟରେ ଜଣେ ବ୍ୟକ୍ତିଙ୍କ ଘରେ ବାଡେଇ ହୋଇଯାଇଥିଲା । ଫଳରେ ଦୁର୍ଘଟଣାରେ ଡ୍ରାଇଭର ଚାପି ହୋଇ ମୃତ୍ୟୁବରଣ କରିଥିଲେ । ଡାଲାରେ ବସିଥିବା ଅନ୍ୟ ୨ଜଣ ସାମାନ୍ୟ ଆହତ ହୋଇଛନ୍ତି । ମୃତ ଡ୍ରାଇଭରଙ୍କ ନାମ ନିବାସ ପ୍ରଧାନ ହୋଇଥିବା ବେଳେ ଘର ବାଲୁମାହା ଅଂଚଳର ବୋଲି ସୂଚନା ରହିଛି ।