ଗାଇସିଲାଟ : ପଞ୍ଚାୟତ ସମିତି ମହାବିଦ୍ୟାଳୟ, ଗାଇସିଲାଟ ଠାରେ ଆତ୍ମସୁରକ୍ଷା ତାଲିମ ଶିବିର ଉଦଯାପିତ ହୋଇଯାଇଛି । ମହାବିଦ୍ୟାଳୟର ଅଧ୍ୟକ୍ଷ ଡ. ଜୟକେତନ ତ୍ରିପାଠୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବରେ ଗାଇସିଲାଟ ଷ୍ଟେଟ ବ୍ୟାଙ୍କ ମ୍ୟାନେଜର ଜ୍ୟୋତି ପ୍ରକାଶ ଭୋଇ ଯୋଗଦେଇଥିଲେ । ଅଧ୍ୟାପିକା ସୁଶ୍ରୀ ରାକ୍ଷୀ ମେହେରଙ୍କ ସଂଯୋଜନାରେ ଉକ୍ତ ସଭା ପରିଚାଳିତ ହୋଇଥିଲା । ପ୍ରାଧ୍ୟାପକ ନାରାୟଣ ମିଶ୍ର ନାରୀ ସଶକ୍ତିକରଣ ଉପରେ ଆଲୋକପାତ କରିଥିଲେ । ମୁଖ୍ୟ ଅତିଥି ଛାତ୍ରୀମାନଙ୍କ ସର୍ବାଙ୍ଗୀନ ଉନ୍ନତି ଉପରେ ଗୁରୁତ୍ଵ ପ୍ରଦାନ କରିଥିଲେ । ଏହି ଅବସରରେ ଖେଳ ଶିକ୍ଷକ ହେମନ୍ତ କୁମାର ପଣ୍ଡାଙ୍କ ରଚିତ ଓ ନିର୍ଦ୍ଦେଶିତ ଏକାଙ୍କିକା ଛାତ୍ରୀମାନଙ୍କ ପରିବେଷିତ ଦ୍ଵାରା ହୋଇଥିଲା । ମାଷ୍ଟର ଟ୍ରେନର ବେବୀ ଭୋଇ ଦୀର୍ଘ ଆଠ ଦିନ ଧରି ତାଲିମ ଦେଇଥିଲେ । ମହାବିଦ୍ୟାଳୟର ପ୍ରାଧ୍ୟାପକ ପ୍ରଦୀପ କୁମାର ପଧାନ, ଉମାକାନ୍ତ ସାହୁଙ୍କ ସହ ଅନେକ ଅଧ୍ୟାପକ, ଅଧ୍ୟାପିକା ଯୋଗଦେଇଥିଲେ । ଶେଷରେ ଆତ୍ମସୁରକ୍ଷା ତାଲିମ କାର୍ଯ୍ୟକ୍ରମର ସଂଯୋଜିକା ସୁଶ୍ରୀ ବୀଣାପାଣି ଧନ୍ୟବାଦ ଅର୍ପଣ କରିଥିଲେ ।