ବଲାଙ୍ଗିର, (କେପିଏନ୍ଏସ୍) : ଆଜି ରାତିରେ ପୁଣି ବଲାଙ୍ଗିର ସହର ନିକଟ ପୁଇଁନ୍ତଲା ଥାନା ଅଧିନସ୍ଥ ମଲମୁଣ୍ଡା ଛକଠାରେ ଏକ ସରକାରୀ ବସ ଧକ୍କାରେ ଜଣେ ବାଇକ ଆରୋହୀ ଗୁରୁତର ହୋଇପଡିଥିବା ଜଣାପଡିଛି । ଗୁରତୁର ଯୁବକ ଜଣକ ହେଉଛନ୍ତି କୂଲେରବାହାଲି ଗାଁର ରିଙ୍କୁ ତାଣ୍ଡି (୩୦) । ସୂଚନା ଅନୁସାରେ ରିଙ୍କୁ ତାଣ୍ଡି ନିଜ ଗାଁକୁ ବଲାଙ୍ଗିର ସହରରୁ ଫେରୁଥିବା ବେଳେ ତାଙ୍କୁ ମଲମୁଣ୍ଡା ଛକଠାରେ ଏକ ସରକାରୀ ବସ ପଛପଟୁ ଧକ୍କା ଦେଇଥିବଲା । ଫଳରେ ସେ ଗୁରୁତ ଆହତ ହୋଇ ପଡିଥିଲେ । ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ତୁରନ୍ତ ବଲାଙ୍ଗିର ଭୀମ ଭୋଇ ମେଡିକାଲ କଲେଜ ଓ ହସପିଟାଲରେ ଭର୍ତ୍ତି କରିଛନ୍ତି । ଅନ୍ୟପଟେ ଉତ୍ୟକ୍ତ ଲୋକେ ଦୁର୍ଘଟଣା ଘଟାଇଥିବା ବସ୍କୁ ଅଟାକାଇ ରାସ୍ତାରୋକ କରିଥିବା ଜଣାପଡିଛି । ପୁଇଁତଲା ପୋଲିସ ଘଟଣାସ୍ଥଳରେ ପହଂଚି ଉତ୍ୟକ୍ତ ଲୋକଙ୍କୁ ବୁଝାସୁଜା କରୁଥିବା ସୂଚନା ମିଳିଛି । ସୂଚନା ଯୋଗ୍ୟ ଯେ, ଗତକାଲି ସନ୍ଧ୍ୟାରେ ବଲାଙ୍ଗିର ସମ୍ବଲପୁର ୨୬ ନଂ ଜାତୀୟ ରାଜପଥରେ ମାଧିଆପାଲି ଠାରେ ଏକ ଟ୍ରକ୍ ଧକ୍କାରେ ଜଣେ ସ୍କୁଟି ଆହେୀଙ୍କ ମୃତୁ ହୋଇଥିବା ବେଳେ ଆଜିର ଏହି ଦୁର୍ଘଟଣା ବଲାଙ୍ଗିରବାସୀଙ୍କୁ ଆଶଙ୍କିତ କରି ପକାଇଛି ।