ବଲାଙ୍ଗିାର, (କେପିଏନ୍ଏସ୍) : ସ୍ଥାନୀୟ ସାମ୍ବାଦିକ ଭବନଠାରେ ବିଶିଷ୍ଟ ସମାଜସେବୀ ତଥା ସଂଗଠକ ଲଳିତ ନାୟକଙ୍କ ପ୍ରଥମ ଶ୍ରାଦ୍ଧ ବାର୍ଷିକୀ ଅବସରରେ ଲଳିତ ନାୟକ ସ୍ମୃତି ସପ୍ତାହ ଉଦ୍ଘାଟନ ହୋଇଯାଇଛି । ଲଳିତ ନାୟକ ସ୍ମୃତି କମିଟି ଓ ଲଳିତ ନାୟକ ଫାଉଣ୍ଡେସନ୍ ପକ୍ଷରୁ ଆୟୋଜିତ ଉଦ୍ଘାଟନୀ ସଭାରେ ସାଂସଦ ସୁବାସ ସିଂ ଯୋଗ ଦେଇଥିଲେ । ଲଳିତ ସ୍ମୃତି କମିଟିର ସଭାପତି ପ୍ରଭାସ ପାଣିଗ୍ରାହୀଙ୍କ ସଭାପତିତ୍ତ୍ୱରେ ଅନୁଷ୍ଠିତ ଉଦ୍ଘାଟନୀ ସଭାରେ ସଂପାଦକ ପ୍ରଭାକର ମିଶ୍ର, ଅର୍ଥ ସଂପାଦକ ରତନ ମହାରଣା ଓ କମିଟି ଅଧ୍ୟକ୍ଷ ଦୀପକ ନାୟକ ମଞ୍ଚାସୀନ ଥିବାବେଳେ ସଭା ପରିଚାଳନା କରିଥିଲେ ସାମ୍ବାଦିକ ବିରେନ୍ଦ୍ର ଝାଙ୍କର । ଉଦ୍ଘାଟନୀ ସଭା ପରେ ମେଗା ରକ୍ତଦାନ ଶିବିରକୁ ଉଦ୍ଘାଟନ କରିଛନ୍ତି ସାଂସଦ ସୁବାସ ସିଂ ।
