ବୌଦ୍ଧ, (କେପିଏନ୍ଏସ୍) : ପୁଣି ଖାକିରେ ଲାଗିଲା କଳଙ୍କ । ପୋଲିସକୁ ବାନ୍ଧିଲା ପୋଲିସ । ବୌଦ୍ଧ ଜିଲ୍ଲା ମନମୁଣ୍ଡା ଥାନାରେ ଦେଖିବାକୁ ମିଳିଛି ଏପରି ଘଟଣା । ବ୍ୟାରେକରେ ଗଂଜେଇ ରଖିଥଲେ ଆଇଆର୍ବି ଯବାନ । ଗଂଜେଇ ଚାଲାଣରେ ଗିରଫ ଯବାନମାନେ ମନମୁଣ୍ଡା ଥାନାରେ ହିଁ କାର୍ୟ୍ୟରତ ଥିଲେ । ବ୍ୟାରେକରେ ଗଞ୍ଜେଇ ରଖିଥବା ଜିଲ୍ଲା ଆରକ୍ଷୀ ଅଧିକ୍ଷକ ବିଶେଷ ସୂତ୍ରରୁ ଜାଣିବା ପରେ ଥାନାକୁ ଆସି ବ୍ୟାରେକରୁ ଗଂଜେଇ ଜବତ କରିଛି ମନମୁଣ୍ଡା ପୋଲିସ । ତେବେ ଗଂଜେଇର ପରିମାଣ ୧୫ କେ.ଜି ୯୩୦ ଗ୍ରାମ ବୋଲି ଜଣାପଡ଼ିଛି । ଗଂଜେଇ ଚାଲାଣରେ ସାମିଲ ରହି ଗିରଫ ହୋଇଥିବା ଆଇଆର୍ବି ଯବାନ ହେଲେ କୁନାଲ ସିଂ, ତ୍ରିଲୋଚନ ରଣା ଓ ନିଲମ ବର୍ଲା । ତେବେ ଗଂଜେଇ ଜବତ ସହିତ ୧୧୯/୨୫ ମାମଲା ମନମୁଣ୍ଡା ଥାନାରେ ରୁଜୁ ହୋଇ ୩ ଅଭିଯୁକ୍ତ ଯବାନକୁ କୋର୍ଟ ଚାଲାଣ କରିଛି ମନମୁଣ୍ଡା ପୋଲିସ । ଏହା ନେଇ ବୌଦ୍ଧ ଏସ୍ପି ରାହୁଲ ଗୋଏଲ ପ୍ରେସିମିଟ କରି ସୂଚନା ଦେଇଛନ୍ତି ।