ମୋହନା : ଜନନୀ ଏକ୍ସପ୍ରେସ ଆମ୍ପୁଲାନ୍ସ ଦୁର୍ଘଟଣା ଗ୍ରସ୍ତ ହୋଇ ଭାଙ୍ଗିରୁଜି ଯାଇଥିଲେ ମଧ୍ୟ ଘଟଣା ସ୍ଥଳରେ ଅଳ୍ପକେ ବର୍ତ୍ତିଯାଇଥିଲେ ଚାଳକ । ସୂଚନା ଅନୁସାରେ ରାୟଗଡ଼ା ଜିଲ୍ଲା ଚନ୍ଦ୍ରପୁର ବ୍ଲକରୁ ସରକାରୀ ଜନନୀ ଏକ୍ସପ୍ରେସ (୧୦୨) ବ୍ରହ୍ମପୁରରୁ ଗାଡି କାମ ସାରି ଫେରୁଥିବା ବେଳେ ରାମଗଡ ନିକଟ କେନ୍ଦୁଘାଟି ନିକଟ ଜାତୀୟ ରାଜପଥ ନିକଟ ବୁଲାଣି ଠାରେ ଚାଳକ ଭାରସାମ୍ୟ ହରାଇ ଓଲଟି ପଡିଥିଲା । ରାତି ୮.୩୦ ରେ ଏହି ଦୁର୍ଘଟଣା ଘଟିଥିବା ବେଳେ ଅଳ୍ପକେ ବର୍ତ୍ତିଯାଇ ଥିଲେ ଚାଳକ ବ୍ରେକ ବୋଡା । ଗାଡ଼ିଟି ବ୍ରହ୍ମପୁରରୁ ଚନ୍ଦ୍ରପୁର ଫେରୁଥିବା ବେଳେ ଭାରସାମ୍ୟ ରକ୍ଷା କରିନପାରି ଓଲଟି ପଡିଥିଲା ଏବଂ ଚାଳକ ସୁରକ୍ଷିତ ଥିବା ଜଣାପଡ଼ିଛି ।