ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଥାନା ସମ୍ପିଆ ଗ୍ରାମରେ ଦୁଇ ପରିବାର ମଧ୍ୟରେ ଜମି ସଂକ୍ରାନ୍ତୀୟ ଗଣ୍ତଗୋଳ ଉଗ୍ର ରୂପ ନେଇଥିଲା । ଫଳରେ ମନୋଜ ବେହେରା ମୃତ୍ୟୁର ଶଶକାର ହୋଇଛନ୍ତି । ଭୀମ, ଗୌତମ ଓ ରାଜେଶ ଗୁରୁତର ଅବସ୍ଥାରେ ବୁର୍ଲା ବଡ ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ଉଭୟ ପକ୍ଷ ଥାନାରେ ଏତଲା ଦେଇଛନ୍ତି । କ୍ଷୀରୋଦ୍ର ବେହେରାଙ୍କ ଅଭିଯୋଗ କ୍ରମେ କେଶ ନଂ ୨୨୬/୨୦ ଓ ପ୍ରଫୁଲ୍ଲ ବେହେରାଙ୍କ ଅଭିଯୋଗ କ୍ରମେ କେଶ ନଂ ୨୨୭/୨୦ରେ ମାମଲା ପଂଜିକରଣ ହୋଇଛି । ଉଭୟ ପକ୍ଷରୁ ୪ ଜଣଙ୍କୁ ପୋଲିସ ଅଟକ ରଖି ତଦନ୍ତ କରିଛନ୍ତି । ବରଗଡ ଜିଲ୍ଲା ପୋଲିସ ଅଧୀକ୍ଷକ ପଦ୍ମିନୀ ସାହୁ, ଏସଡିପିଓ ପ୍ରଦୀପ ସାହୁ, ଆଇଆଇସି ମାନସ ରଂଜନ ପ୍ରଧାନ ଘଟଣା ସ୍ଥଳକୁ ଯାଇ ଗଣ୍ତଗୋଳ ଓ ହତ୍ୟାକାଣ୍ତ ସଂପର୍କରେ ତଦନ୍ତ କରିଛନ୍ତି ।