ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ସହରର ଗାନ୍ଧୀନଗରପଡ଼ା ବଲାଙ୍ଗିର-ସମ୍ବଲପୁର ରୋଡରେ ଏକ ଶୋଚନୀୟ ଦୁର୍ଘଟଣା ଘଟିଥିବା ଖବର ମିଳିଛି । ସୂଚନା ଅନୁସାରେ ଗାନ୍ଧୀନଗରପଡ଼ାର ବିକାଶ ବଘାର(୧୮) ରାସ୍ତାରେ ଛିଡା ହୋଇଥିବା ବେଳେ ସମ୍ବଲପୁର ପଟରୁ ଆସୁଥିବା ଏକ ବଡ଼ ଟ୍ରକ୍ ନଂ ଓଡି୦୩ଏଏ୨୯୨୫ ତାଙ୍କୁ ଧକ୍କା ଦେବାରୁ ସେ ଗୁରୁତର ହୋଇ ପଡିଥିଲେ । ତାଙ୍କୁ ଉଦ୍ଧାର କରି ତୁରନ୍ତ ଭୀମ ଭୋଇ ମେଡିକାଲ କଲେଜ୍ ଓ ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ ସେଠାରେ ତାଙ୍କର ମୃତ୍ୟୁ ଘଟିଥିବା କୁହାଯାଉଛି । ଅନ୍ୟପଟେ ଘଟଣାସ୍ଥଳରେ ଶହ ଶହ ଉତ୍ୟକ୍ତ ପୁରୁଷ ମହିଳା ରାସ୍ତା ଅବରୋଧ କରିବା ସହ ଟାୟାର୍ ଜାଳି ଅସନ୍ତୋଷ ପ୍ରକାଶ କରିଥିବା ଦେଖିବାକୁ ମିଳିଛି । ଘଟଣାସ୍ଥଳରେ ବଲାଙ୍ଗିର ଟାଉନ ପୋଲିସ ସଦଳବଳେ ପହଞ୍ଚି ସ୍ଥିତି ନିୟନ୍ତ୍ରଣ କରିବାକୁ ଚେଷ୍ଟା କରୁଛି ।