ବ୍ରହ୍ମପୁର, (କେ.ସତ୍ୟନାରାୟଣ ରେଡ୍ଡୀ) : ଛତ୍ରପୁରର ଅଗ୍ରଣୀ ଶିକ୍ଷାନୁଷ୍ଠାନ ବଚ୍ପନ୍ ପ୍ଲେ-ସ୍କୁଲ ଏବଂ ବିଦ୍ୟା-ଇ-ଟେକ୍ନୋ ଶିକ୍ଷାନୁଷ୍ଠାନର ୧୩ତମ ବାର୍ଷିକ ଉତ୍ସବ ଶୁକ୍ରବାର ଦିନ ପାଳିତ ହୋଇଯାଇଛି । ଉତ୍ସବ ସମାରୋହରେ ଗ୍ଲୋବାଲ ଆଇକନ ଓଡିଶୀ ନୃତ୍ୟଗୁରୁ ଶାଶ୍ୱତ ଯୋଶୀ, ଓଲିଉଡ ତାରକା ଜାଗୃତି ରଥ, ନଟିଆ କମେଡି ସ୍ମୃତି ରଞ୍ଜନ ମହାନ୍ତି ପ୍ରମୁଖ ସେଲିବ୍ରେଟି ଯୋଗଦେଇ ଉତ୍ସବଟିକୁ ଶିଶୁ ସଂସାରମୟ କାର୍ଯ୍ୟକ୍ରମରେ ଉଲ୍ଲାସମୟ କରାଇଥିଲେ । ଶିକ୍ଷାନୁଷ୍ଠାନର ଛାତ୍ର ଛାତ୍ରୀମାନେ ବିଭିନ୍ନ ପ୍ରତିଯୋଗିତାରେ ଅଂଶଗ୍ରହଣ କରିଥିଲେ ଏବଂ ମଞ୍ଚରେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରି ଦର୍ଶକ ମହଲରେ ମନ୍ତ୍ରମୁଗ୍ଧ ଆଣିଦେଇଥିଲେ । ଅନୁଷ୍ଠାନର ବହୁ ଅଭିଭାବକ ଯୋଗଦେଇ ଏହି ସାଂସ୍କୃତିକ କାର୍ଯ୍ୟକ୍ରମକୁ ଉପଭୋଗ କରିଥିଲେ । କୃତ୍ତିତ୍ୱ ଅର୍ଜନ କରିଥିବା ଶିଶୁମାନଙ୍କୁ ଅତିଥିମାନେ ପୁରସ୍କୃତ କରିଥିଲେ । ଆଞ୍ଚଳିକ ନୃତ୍ୟଗୁରୁ ପ୍ରଗତି କଳାକେନ୍ଦ୍ରର ନିର୍ଦ୍ଦେଶକ ସୁଧାଂଶୁ କୁମାର ଶତପଥୀ ଏହି କାର୍ଯ୍ୟକ୍ରମରେ ସହଯୋଗ କରିଥିଲେ । ଅନୁଷ୍ଠାନର ମୁଖ୍ୟ ତଥା ଅଧ୍ୟକ୍ଷା ସଙ୍ଗୀତା ଶର୍ମା ଏହି କାର୍ଯ୍ୟକ୍ରମରେ ପୌରହିତ୍ୟ କରିଥିଲେ ।