ବରଗଡ଼, (ସତ୍ୟନାରାୟଣ ପଧାନ) : ବରଗଡ଼ ଜ଼ିଲ୍ଲା ବରପାଲି ବ୍ଲକ ଅନ୍ତର୍ଗତ ସତଲମା ଗ୍ରାମରେ ମର୍ଯ୍ୟାଦା ପୁରୁଷୋତ୍ତମ ଶ୍ରୀରାମଙ୍କ ମନ୍ଦିର ପ୍ରତିଷ୍ଠା ଉତ୍ସବ ଅନୁଷ୍ଠିତ ହୋଇଯାଇଛି । ବିଶେଷ କରି ସାମ୍ପ୍ରତିକ ପରିସ୍ଥିତିରେ ଆଜି ସକାଳୁ ଭବ୍ୟ ଲଗ୍ନ ଅନୁସାରେ ପୂଜାର୍ଚନା କରାଯାଇଥିଲା । ଆଜିକାର କାର୍ୟ୍ୟକ୍ରମରେ କର୍ତା ଭାବରେ ଯୋଗୀନ୍ଦ୍ର ମହାକୁର ଓ ତାଙ୍କ ଧର୍ମପତ୍ନୀ ମାମି ମହାକୁର ଯୋଗଦାନ କରିଥିଲେ । ପଣ୍ଡିତ ସୀତାରାମ ତ୍ରିପାଠୀ ପୂଜାର୍ଚନା କରିଥିଲେ । ଲଗ୍ନ ଅନୁସାରେ ସନ୍ଧ୍ୟାରେ କୁମ୍ଭ ଢଙ୍କା ଯାଇଥିଲା । ଧର୍ମରାଜ ସିଂ ବରିହାଙ୍କ ସହଯୋଗରେ ନିର୍ମିତ ମନ୍ଦିର ପାଇଁ ଗ୍ରାମର ଜୟନ୍ତ ସେଠ୍, ଶଶଧର ସାହୁ, କିରଣ ସାହୁ, ଡ଼ିସେସ ପାତ୍ର, ଡ଼ାଲଗଂଜନ ବରିହା, ବୁଦ୍ଧଦେବ ଦାସ ତଥା ଗ୍ରାମର ଭକ୍ତମାନେ ଯୋଗଦାନ କରିଥିଲେ । କରୋନା କଟକଣାକୁ ମାନି ଶ୍ରଦ୍ଧାଳୁମାନେ ପ୍ରସାଦ ସେବନ କରିଥିଲେ ।