ନୂଆଦିଲ୍ଲୀ : ନୂତନ କୃଷି ଆଇନ ରଦ୍ଦ କରିବାକୁ ଦାବୀ କରୁଥିବା କୃଷକ ଆନ୍ଦୋଳନର ଆଜି ୧୭ତମ ଦିନ । ଆଜି ଦିଲ୍ଲୀକୁ ସଂଯୋଗ କରୁଥିବା ରାସ୍ତାକୁ ଜାମ କରିବାକୁ କୃଷକମାନେ ନିଷ୍ପତ୍ତି ନେଇଛନ୍ତି । ଷଷ୍ଠ ରାଉଣ୍ଡ ଆଲୋଚନା ଅସ୍ପଷ୍ଟ ହେବା ପରେ କୃଷକମାନେ କହିଥିଲେ ଯେ, ଡିସେମ୍ବର ୧୨ ଏବଂ ୧୪ରେ ସେମାନେ କିଛି ଅଧିକ ପ୍ରଦର୍ଶନ କରିବେ ।
କୃଷକମାନେ ଆଜି ଦିଲ୍ଲୀ-ଜୟପୁର ରାଜପଥ ବନ୍ଦ କରିବେ । ଆଜି କୃଷକମାନେ ଦିଲ୍ଲୀ-ଆଗ୍ରା ଏକ୍ସପ୍ରେସ ୱେ ମଧ୍ୟ ବନ୍ଦ ଘୋଷଣା କରିଛନ୍ତି । ଏହା ବ୍ୟତୀତ କୃଷକମାନେ ଆଜି ଦେଶର ସମସ୍ତ ଟୋଲ୍ ପ୍ଲାଜାକୁ ମଧ୍ୟ ଫି’ ମୁକ୍ତ କରିବେ ବୋଲି ପ୍ରକାଶ କରିଛନ୍ତି।
ଚାଷୀଙ୍କ ବିରୋଧକୁ ଦୃଷ୍ଟିରେ ରଖି ଆଜି ଦିଲ୍ଲୀ ଚାରିପାଖରେ ବହୁସଂଖ୍ୟାରେ ପୋଲିସ ମୁତୟନ କରାଯାଇଛି । ପୋଲିସ କହିଛି ଯେ, କୌଣସି ଅଘଟଣ ଘଟିଲେ ସେମାନେ ଅପରାଧିକ ବିଭାଗ ଅଧୀନରେ କାର୍ଯ୍ୟାନୁଷ୍ଠାନ ଗ୍ରହଣ କରିବେ । ଗୁରୁଗ୍ରାମ, ଫରିଦାବାଦ, ଗାଜିଆବାଦ ଏବଂ ଗୌତମ ବୁଦ୍ଧ ନାଗର ଜାତୀୟ ରାଜପଥରେ ମଧ୍ୟ ପୋଲିସ ଫୋର୍ସ ମୁତୟନ କରାଯାଇଛି । ଆହୁରି ମଧ୍ୟ ବିକ୍ଷୋଭକାରୀଙ୍କୁ ଡ୍ରୋନ୍ ସହିତ ତଦାରଖ କରାଯିବ ବୋଲି କୁହାଯାଇଛି ।