ଅମାନବୀୟ ଅପରାଧ : ଗ୍ୟାଙ୍ଗ ବଳାତ୍କାର ପରେ ପ୍ରାଇଭେଟ୍ ପାର୍ଟରେ ଲୁହା ରଡ଼୍ ଗେଂଜି ନୃଶଂସ ହତ୍ୟା : ମୃତ ଦେହ ୧୭ ଘଣ୍ଟା ଧରି ଘର ବାହାରେ ପଡ଼ି ରହିଲା : ୪୮ ଘଣ୍ଟା ପରେ ହେଲା ପୋଷ୍ଟମର୍ଟମ
ବଦାୟୁଂ : ଉତ୍ତରପ୍ରଦେଶର ବଦାୟୁଂ ଜିଲ୍ଲାରେ ଜଣେ ମହିଳା ମନ୍ଦିରକୁ ପୂଜା କରିବାକୁ ଯାଇଥିବା ବେଳେ ମନ୍ଦିରର ମହନ୍ତ ସମେତ ତିନି ଜଣ ବ୍ୟକ୍ତି କେବଳ ତାଙ୍କୁ ବଳାତ୍କାର କରିନଥିଲେ, ବରଂ ତାଙ୍କ ପ୍ରାଇଭେଟ୍ ପାର୍ଟରେ ଲୁହା ରଡ ଗେଂଜି ତାଙ୍କୁ ହତ୍ୟା କରିଥିବା ଭଳି ଏକ ନୃଶଂସ ଖବର ଆସିଛି । ଏହି ଘଟଣା ହଇଚଇ ସୃଷ୍ଟି କରିଥିବା ବେଳେ ପୋଲିସର ଅବହେଳା ମଧ୍ୟ ସମସ୍ତ ସୀମା ଅତିକ୍ରମ କରିଛି । ମହିଳାଙ୍କ ମୃତଦେହ ତାଙ୍କ ଘର ବାହାରେ ୧୭ ଘଣ୍ଟାରୁ ଅଧିକ ସମୟ ପଡ଼ି ରହିଥିଲା । ଗ୍ରାମବାସୀ କ୍ରୋଧିତ ହେବା ପରେ ପୋଲିସ କାର୍ୟ୍ୟାନୁଷ୍ଠାନ ଗ୍ରହଣ କରିଥିବା କୁହାଯାଇଛି ।
ଜାନୁୟାରୀ ୩ ତାରିଖ ସନ୍ଧ୍ୟାରେ ୫୦ ବର୍ଷୀୟ ଅଙ୍ଗନୱାଡି ସାହାୟିକା ମନ୍ଦିରରେ ପୂଜା କରିବାକୁ ଯାଇଥିଲେ । ଏହି ସମୟ ମଧ୍ୟରେ ମନ୍ଦିରରେ ଉପସ୍ଥିତ ଥିବା ମହନ୍ତ ସତ୍ୟନାରାୟଣ, ଚେଲା ବେଦରାମ ଏବଂ ଡ୍ରାଇଭର ଜସପାଲ ଅଙ୍ଗନୱାଡି ସହାୟକଙ୍କୁ ଗ୍ୟାଙ୍ଗ ରେପ୍ କରି ଜଘନ୍ୟ ଅପରାଧ ଘଟାଇଥିଲେ ଏବଂ ସେଦିନ ରାତିରେ ଅଙ୍ଗନୱାଡି ସହାୟକଙ୍କ ରକ୍ତ ଜୁଡୁବୁଡୁ ମୃତଦେହ ତାଙ୍କ ଘର ସାମ୍ନାରେ ଫିଙ୍ଗି ଫେରାର୍ ହୋଇ ଯାଇଥିଲେ ।
ପରିବାର ପରିଜନ ଉଧୈତି ପୋଲିସ ଷ୍ଟେସନକୁ ଏହି ଘଟଣାର ସୂଚନା ଦେଇଥିଲା, କିନ୍ତୁ ପୋଲିସ ପରିବାର ଲୋକଙ୍କୁ ବିଭ୍ରାନ୍ତ କରି ପୋଲିସ ଷ୍ଟେସନରେ ଏଣେତେଣେ ଘୁରାଇଥିଲା । ପୋଲିସ ପ୍ରଥମେ କହିଥିଲା ଯେ, ଅଙ୍ଗନବାଡି ସାହାୟିକାଙ୍କୁ ଗଣଦୁଷ୍କର୍ମ ପରେ ହତ୍ୟା ଘଟଣା ମିଥ୍ୟା ଏବଂ କୂଅରେ ପଡ଼ି ତାଙ୍କ ମୃତ୍ୟୁ ଘଟିଛି । ପରିବାର ସଦସ୍ୟ ବାରମ୍ବାର ପୋଲିସକୁ ଫୋନ୍ କରି ଡାକିଥିଲେ । ରାତିରୁ ସକାଳ ହୋଇଯାଇଥିଲା । କିନ୍ତୁ ପୋଲିସ ଏଫଆଇଆର ପଞ୍ଜିକରଣ କରିନଥିଲା ।
ମହିଳାଙ୍କ ମୃତଦେହ ତାଙ୍କ ଘର ବାହାରେ ୧୭ ଘଣ୍ଟାରୁ ଅଧିକ ସମୟ ପଡ଼ି ରହିଥିଲା । ଯେତେବେଳେ ଗ୍ରାମବାସୀଙ୍କ କ୍ରୋଧ ଉପୁଜିଲା, ସେତେବେଳେ ସେମାନେ ମହିଳାଙ୍କ ଶବ ନେଇ ପୋଲିସ ଷ୍ଟେସନରେ ପହଞ୍ଚିଥିଲେ । ଗ୍ରାମବାସୀ ଥାନାରେ ହଙ୍ଗାମା ସୃଷ୍ଟି କରିଥିଲେ । ଏହି ମାମଲା ଉଗ୍ର ରୂପ ନେଉଥିବା ଏବଂ ଗ୍ରାମବାସୀଙ୍କ କ୍ରୋଧ ଦେଖି ପୋଲିସର ନିଦ ହଜି ଯାଇଥିଲା ଏବଂ ଗ୍ୟାଙ୍ଗ ରେପ୍ ପରେ ହତ୍ୟା ଅଭିଯୋଗରେ ମହନ୍ତ ସତ୍ୟନାରାୟଣ, ଚେଲା ବେଦ୍ରାମ ଏବଂ ଡ୍ରାଇଭର ଜସପାଲ ବିରୋଧରେ ମାମଲା ରୁଜୁ କରିଥିଲା ପୋଲିସ ।
ପୋଲିସର ଅବହେଳା ଏଠାରେ ସୀମା ଲଂଘନ କରିଥିବା କୁହାଯାଇଛି। ଜାନୁଆରୀ ୪ ରେ ମାମଲା ପଞ୍ଜୀକୃତ ହେବା ପରେ ମଧ୍ୟ ମହିଳାଙ୍କ ଶରୀର ପୋଷ୍ଟମର୍ଟମ କରାଯାଇ ନଥିଲା । ଶରୀରର ପୋଷ୍ଟମର୍ଟମ ୫ ଜାନୁଆରୀରେ ହୋଇଥିଲା, ଯାହା ପ୍ରାୟ ୪୮ ଘଣ୍ଟା ବିତିଯାଇଥିଲା ।
ତେବେ ଏହି ମାମଲାରେ ପୋଲିସ ଜଣେ ଅଭିଯୁକ୍ତକୁ ଗିରଫ କରିଛି । ଏସଏସପି ସଙ୍କଳ୍ପ ଶର୍ମା ମାମଲାରେ ଅବହେଳା ଅଭିଯୋଗରେ ଥାନା ଅଧିକାରୀ ରାଘବେନ୍ଦ୍ର ପ୍ରତାପଙ୍କୁ ନିଲମ୍ବିତ କରିଛନ୍ତି । ୨ ଅଭିଯୁକ୍ତ ଏ ପର୍ୟ୍ୟନ୍ତ ଫେରାର୍ ଅଛନ୍ତି । ତନାଘନା ତଦନ୍ତ ଚାଲିଛି ।
