ନାଇକେନଶିରା ୫ତମ ଠାକୁର ବଡଦେଓ ଫୁଟବଲ ପ୍ରତିଯୋଗିତା : ହାତୀସରା ଓ ଲଣ୍ଡାପଥରକୁ ହରାଇ ସେମିଫାଇନାଲକୁ ପହଞ୍ଚିଲେ ବୁଦେଲଗୁମା ଓ ଶିରାବାହାଲ

ଦେଓଗାଁ, (ମନୀଷ କୁମାର ସାହୁ) : ଦେଓଗାଁ ବ୍ଲକ ହାତୀସରା ପଞ୍ଚାୟତ ଅନ୍ତର୍ଗତ ନାଇକେନଶିରା ଗାଁରେ ଠାକୁରଦେଓ ଫୁଟବଲ୍ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଯାଇଛି । ୧୬ଟି ଦଳକୁ ନେଇ ହେଉଥିବା ଏହି ଟୁର୍ନାମେଣ୍ଟର ପଞ୍ଚମ ଦିନରେ ପ୍ରଥମ ମ୍ୟାଚରେ ବୁଦେଲଗୁମା ଦଳ ହାତୀସରାକୁ ୪/୧ ଗୋଲରେ ଓ ଦ୍ଵିତୀୟ ମ୍ୟାଚରେ ଶିରାବାହାଲ ଦଳ ଲଣ୍ଡାପଥରକୁ ୨/୦ ଗୋଲରେ ପରାସ୍ତ କରି ବୁଦେଲଗୁମା ଏବଂ ସିରାବାହାଲ ସେମି ଫାଇନାଲ ପ୍ରବେଶ କରିଛନ୍ତି । ଏହି ଅବସରରେ ମୁଖ୍ୟ ଅତିଥି ଭାବେ ଆମ୍ ଆଦମୀ ପାର୍ଟି ଜିଲ୍ଲା ଆବାହକ ତଥା ଆପ ଓଡିଶା ପ୍ରବକ୍ତା ଆଶିଷ ପାଣ୍ଡେ ଏବଂ ଆପ ପାର୍ଟିର ଧନଞ୍ଜୟ କରନ, ଗଙ୍ଗାରାମ ପଟେଲ, ବଲରାମ ଜାଲ ପ୍ରମୁଖ ଯୋଗ ଦେଇଥିଲେ। ଆଜିର ମ୍ୟାଚକୁ ବିଜୟ ରଣା, ସଞ୍ଜନ କୁଦେଇଁ, ବିକ୍ରମ ବାଙ୍କ, ଶୁଭେନ୍ଦୁ ବାଙ୍କ ପରିଚାଳନ କରିଥିଲେ ।