ଡୁଙ୍ଗୁରିପାଲି, (କେପିଏନ୍ଏସ୍) : ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ଅନ୍ତର୍ଗତ ପଣ୍ଡକିଟାଲ ଅପର ପ୍ରାଇମେରୀ ସ୍କୁଲରେ ଏକ ଦିବସୀୟ ତାଲିମ କାର୍ଯ୍ୟକ୍ରମ କରାଯାଇ ପରାମର୍ଶଦାତାଙ୍କ ତଥ୍ୟଭିତ୍ତିକ କାର୍ଯ୍ୟପନ୍ଥା ସ୍ଥିର କରାଯାଇଛି । ମୁଖ୍ୟ ଅତିଥି ଭାବରେ ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ଡ. ରାଧାକାନ୍ତ ଗଡତିଆ, ସମ୍ମାନୀତ ଅତିଥି ଭାବେ ବିଇଓ ଡୁଙ୍ଗୁରିପାଲି ଗନେଶ କିସନ୍ ଯୋଗ ଦେଇ ଉପସ୍ଥିତ ପାଖାପାଖି ୧୦୦ କାଉନସିଲରଙ୍କୁ ରେଡକ୍ରସ କାର୍ଯ୍ୟକ୍ରମକୁ ତ୍ୱରାନ୍ୱିତ କରିବାକୁ ଆହ୍ବାନ କରିଛନ୍ତି । କାର୍ଯ୍ୟକ୍ରମକୁ ଜିଲ୍ଲା ଜୁନିଅର ରେଡକ୍ରସ ଅଫିସର ରବିଚନ୍ଦ୍ର ପଶାୟତ ପରିଚାଳନା କରିଥିଲେ । ବିଦ୍ୟାଳୟର ପ୍ରଧାନ ଶିକ୍ଷକ ହେମସାଗର ବାଘ ଭବ୍ୟ ସଭାରେ ଅଧ୍ୟକ୍ଷତା କରିଥିଲେ । ସାଧନକର୍ମୀ ହୃଷୀକେଶ ଡାଙ୍ଗ, ଅନୁପ୍ରୀୟା ମିଶ୍ର, ଶେଷଦେବ ଛାତ୍ର, ତପସ୍ଵିନୀ ଦାସ ପ୍ରାଥମିକ ଚିକିତ୍ସା, ପ୍ରାକୃତିକ ବିପର୍ଯ୍ୟୟ ପରିଚାଳନା, ରେଡକ୍ରସ ଆନ୍ଦୋଳନ ଭଳି ବିଭିନ୍ନ ବିଷୟରେ କାଉନସିଲରମାନଙ୍କୁ ତାଲିମ ଦେଇଥିଲେ । ପ୍ରାରମ୍ଭରେ ଦିବଙ୍ଗତ କାଉନସିଲର ଶ୍ୟାମ ସୁନ୍ଦର ନାୟକଙ୍କ ବିୟୋଗରେ ଏକ ମିନିଟ ନୀରବ ଶାନ୍ତି ପାଠ କରାଯାଇଥିଲା । ବିସିସି ନିମାଇଁ ଚରଣ ମଲ୍ଲିକ, ସ୍ୱାଗତ ଅଭିଭାଷଣ ଦେଇଥିବା ବେଳେ ବିସିସି ପବିତ୍ର ବାରିକ ଧନ୍ୟବାଦ୍ ଅର୍ପଣ କରିଥିଲେ । ପଣ୍ଡକିଟାଲ ସ୍କୁଲର ୨୬ ଟି ଛାତ୍ରଛାତ୍ରୀ ମାନଙ୍କୁ ନେଇ ଜୁନିୟର ରେଡକ୍ରସ ୟୁନିଟ ଗଠିତ ହୋଇଯାଇଛି ।