ମାଲକାନଗିରି : ବିପୁଳ ପରିମାଣର ଗଞ୍ଜେଇ ଜବତ ସହ ୨ଜଣ ଅଭିଯୁକ୍ତ ଗିରଫ ହୋଇଥିବା ଜଣାପଡିଛି । ମାଲକାନଗିରି ଜିଲ୍ଲାରୁ ଆନ୍ଧ୍ର ପ୍ରଦେଶକୁ ୨ଟି ଗାଡିରେ ଗଞ୍ଜେଇ ଚୋରା ଚାଲାଣ ହେଉଥିବା ବେଳେ ମାଲକାନଗିରି ଆଦର୍ଶ ଥାନା ପୋଲିସ ଚଢାଉ କରି ୩୨ ବସ୍ତା ଗଞ୍ଜେଇ ଜବତ କରିଛି । ଏଥିସହ ୨ ଜଣଙ୍କୁ ଗିରଫ କରିଛି । ଗିରଫ ଅଭିଯୁକ୍ତମାନେ ହେଲେ ତେଲେଙ୍ଗାନାର ଆର ଶ୍ରୀନିବାସ ଓ କାଲିମେଳାର ମୁନ୍ନା ବରାଳ। ଶିଖପାଲି ପଞ୍ଚାୟତ ଅନ୍ତର୍ଗତ ସିଙ୍ଗରାଜକୁଣ୍ଡା ଛକରେ ପୋଲିସ ଗାଡି ଯାଞ୍ଚ କରୁଥିଲା । ଏହି ସମୟରେ ଗୋଟିଏ ପିକପ ଭ୍ୟାନ ଓ ଗୋଟିଏ ହୋଣ୍ଡା କାରକୁ ପୋଲିସ ଯାଞ୍ଚ କରିଥିଲା । ଗାଡି ଭିତରେ ଗଞ୍ଜେଇ ରହିଥିବା ଜଣା ପଡିଥିଲା । ଦୁଇଟି ଗାଡିରୁ ୩୨ ବସ୍ତା ଗଞ୍ଜେଇ ପୋଲିସ ଜବତ କରିଛି । ୩୨ଟି ବସ୍ତାରେ ମୋଟ୍ ୯୪୦ କିଲୋଗ୍ରାମ ଗଞ୍ଜେଇ ରହିଥିଲା । ଯାହାର ବଜାର ମୁଲ୍ୟ ପ୍ରାୟ ୫୦ ଲକ୍ଷ ଟଙ୍କା ହେବ ବୋଲି ମାଲକାନଗିରି ପୋଲିସ କହିଛି । ଏଥିସହ ତେଲେଙ୍ଗାନାର ଆର ଶ୍ରୀନିବାସ ଓ କାଲିମେଳାର ମୁନ୍ନା ବରାଳ ଗିରଫ କରି କୋର୍ଟ ଚାଲାଣ କରିଛି ।