ଭୁବନେଶ୍ୱର, (କେପିଏନ୍ଏସ୍) : ଗତ ୨୪ ଘଂଟାରେ ଓଡ଼ିଶାରେ ୧୨୧୯ କରୋନା ପଜିଟିଭ୍ ଚିହ୍ନଟ ହୋଇଥିବା ନେଇ ରାଜ୍ୟ ସୂଚନା ଓ ଲୋକସଂପର୍କ ବିଭାଗ ପକ୍ଷରୁ ସୂଚନା ଦିଆଯାଇଛି । ତେବେ ସେମାନଙ୍କ ମଧ୍ୟରୁ ୭୦୮ ଜଣ କ୍ୱାରେନ୍ଟାଇନ୍ରୁ ହୋଇଥିବା ବେଳେ ସ୍ଥାନୀୟ ସଂକ୍ରମଣର ଶିକାର ହୋଇଛନ୍ତି ୫୧୧ ଜଣ । ଜିଲ୍ଲା ଅନୁସାରେ ଅନୁଗୁଳରୁ ୭୮, ବାଲେଶ୍ୱରରୁ ୧୦୭, ବରଗଡ଼ରୁ ୩୯, ଭଦ୍ରକରୁ ୨୨, ବଲାଙ୍ଗିରରୁ ୪୬, ବୌଦ୍ଧରୁ ୫, କଟକରୁ ୧୦୬, ଦେବଗଡ଼ରୁ ୯, ଢେଙ୍କାନାଳରୁ ୩୦, ଗଜପତିରୁ ୯, ଗଂଜାମରୁ ୧୫, ଜଗତସିଂହପୁରରୁ ୫୩, ଯାଜପୁରରୁ ୩୨, ଝାରସୁଗୁଡ଼ାରୁ ୩୬, କଳାହାଣ୍ଡିରୁ ୩୮, କନ୍ଧମାଳରୁ ୧୦, କେନ୍ଦ୍ରାପଡ଼ାରୁ ୫୦, କେଉଁଝରରୁ ୪୦, ଖୋର୍ଦ୍ଧାରୁ ୯୨, କୋରାପୁଟରୁ ୨୮, ମାଲକାନଗିରିରୁ ୫, ମୟୁରଭଂଜରୁ ୮୩, ନବରଙ୍ଗପୁରରୁ ୧୩, ନୟାଗଡ଼ରୁ ୨୩, ନୂଆପଡ଼ାରୁ ୩୧, ପୁରୀରୁ ୩୪, ରାୟଗଡ଼ାରୁ ୭, ସମ୍ବଲପୁରରୁ ୩୨, ସୋନପୁରରୁ ୨୦, ସୁନ୍ଦରଗଡ଼ରୁ ୧୦୭, ଷ୍ଟେଟ୍ ପୁଲ୍ ୧୯ ଜଣ କରୋନା ଆକ୍ରାନ୍ତ ହୋଇଛନ୍ତି । ଏବେ ୧୩୧୩୧ ଜଣ ରାଜ୍ୟରେ ଏକ୍ଟିଭ୍ ଆକ୍ରାନ୍ତ ରହିଥିବା ସୂଚନାରେ କୁହାଯାଇଛି ।
