ୱାଶିଂଟନ୍ : ଆମେରିକାର ବିଦାୟୀ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଶୁକ୍ରବାର ଦିନ କହିଛନ୍ତି ଯେ, ସେ ଜାନୁଆରୀ ୨୦ରେ ଦେଶର ନବ ନିର୍ବାଚିତ ରାଷ୍ଟ୍ରପତି ଜୋ ବାଇଡେନଙ୍କ ଶପଥ ଗ୍ରହଣ ସମାରୋହରେ ଯୋଗଦେବେ ନାହିଁ । କ୍ଷମତାର ଏକ ସୁଗମ, ଶୃଙ୍ଖଳିତ ଏବଂ ନୀରବଚ୍ଛିନ୍ନ ସ୍ଥାନାନ୍ତର ନିଶ୍ଚିତ କରିବାକୁ ପ୍ରତିଶୃତି ଦେବା ପରେ ଟ୍ରମ୍ପ ଏହା କହିଛନ୍ତି । ୧୮୬୯ ମସିହାରେ ଆମେରିକାର ୧୭ତମ ରାଷ୍ଟ୍ରପତି ଆଣ୍ଡ୍ରିୟୁ ଜନସନଙ୍କ ପରେ ଟ୍ରମ୍ପ ଟ୍ୱିଟ୍ କରି କହିଛନ୍ତି ଯେ, ମୁଁ ଜାନୁଆରୀ ୨୦ ରେ ଶପଥ ଗ୍ରହଣ ସମାରୋହରେ ଯୋଗଦେବି ନାହିଁ । ଟ୍ରମ୍ପ ତାଙ୍କ ଉତ୍ତରାଧିକାରୀଙ୍କ ଶପଥ ଗ୍ରହଣ ସମାରୋହରେ ଯୋଗଦେବେ ନାହିଁ ।
ନଭେମ୍ବର ୩ରେ ହୋଇଥିବା ଆମେରିକା ନିର୍ବାଚନରେ ଅନେକ ସପ୍ତାହ ଧରି ବିଜୟର ଏକ ମିଥ୍ୟା ଦାବି କରିଥିବା ଟ୍ରମ୍ପ ଏହି ସମାରୋହରେ ଯୋଗଦେବେ ନାହିଁ ବୋଲି ଆଶା କରାଯାଉଥିଲା । ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ବୁଧବାର ଦିନ କ୍ୟାପିଟାଲ ବିଲଡିଂ (ଆମେରିକାର ସଂସଦ ଗୃହ)ରେ ତାଙ୍କ ସମର୍ଥକଙ୍କ ଦ୍ୱାରା ହୋଇଥିବା ହିଂସାକୁ ନିନ୍ଦା କରି କହିଛନ୍ତି ଯେ ସେ ଆମେରିକାର ପ୍ରତିନିଧିତ୍ୱ କରୁନାହାଁନ୍ତି । ଅବଶ୍ୟ ନୂତନ ଭାବରେ ନିର୍ବାଚିତ ରାଷ୍ଟ୍ରପତି ଜୋ ବାଇଡେନଙ୍କୁ କ୍ଷମତାର ଶୃଙ୍ଖଳିତ, ନୀରବଚ୍ଛିନ୍ନ ଏବଂ ସୁଗମ ସ୍ଥାନାନ୍ତର ନିଶ୍ଚିତ କରିବାକୁ ଟ୍ରମ୍ପ ମଧ୍ୟ ବିଶ୍ୱାସ ଦେଇଛନ୍ତି ।