ନୂଆଦିଲ୍ଲୀ : ସୁପ୍ରିମକୋର୍ଟ ବାର ଆସୋସିଏସନ ନିର୍ବାଚନରେ ବରିଷ୍ଠ ଆଡଭୋକେଟ୍ ବିକାଶ ସିଂ ସଭାପତି ଭାବେ ନିର୍ବାଚିତ ହୋଇଛନ୍ତି । ବରିଷ୍ଠ ଆଡଭୋକେଟ୍ ପ୍ରଦୀପ କୁମାର ରାୟ ଉପସଭାପତି ଭାବରେ ନିର୍ବାଚିତ ହୋଇଥିବା ବେଳେ ଏ.କେ ପ୍ରସାଦ ସଂପାଦକ ଭାବରେ ନିର୍ବାଚିତ ହୋଇଛନ୍ତି । କୋଭିଡଙ୍କୁ ଦୃଷ୍ଟିରେ ରଖି ସୁପ୍ରିମକୋର୍ଟ ବାର ଆସୋସିଏସନର ନିର୍ବାଚନ ଅନଲାଇନରେ କରାଯାଇଛି ।
ବିକାଶ ସିଂ ତାଙ୍କର ନିକଟତମ ପ୍ରତିଦ୍ୱନ୍ଦ୍ୱୀ ତଥା ସିନିୟର ଆଡଭୋକେଟ୍ ଡାକ୍ତର ଆଦିଶ ଅଗ୍ରୱାଲଙ୍କୁ ୩୪୪ ଭୋଟ ବ୍ୟବଧାନରେ ପରାସ୍ତ କରିଛନ୍ତି । ବିକାଶ ସିଂ ୮୩୭ ଭୋଟ ପାଇଥିବା ବେଳେ ତାଙ୍କ ପ୍ରତିଦ୍ୱନ୍ଦ୍ୱୀ ଅଗ୍ରୱାଲ ମାତ୍ର ୪୯୩ ଭୋଟ୍ ପାଇଛନ୍ତି । ଯୁଗ୍ମ ସଂପାଦକ ଭାବେ ଆଡଭୋକେଟ୍ ରାହୁଲ କୌଶିକ ମନୋନୀତ ହୋଇଥିବା ବେଳେ ମନୀଷ କୁମାର ଦୁବେ କୋଷାଧ୍ୟକ୍ଷ ଭାବରେ ଏବଂ ଡକ୍ଟର ରିତୁ ଭରଦ୍ୱାଜ ସଂଯୁକ୍ତ କୋଷାଧ୍ୟକ୍ଷ ଭାବରେ ନିର୍ବାଚିତ ହୋଇଛନ୍ତି ।
ଏଥର ସୁପ୍ରିମକୋର୍ଟ ବାର ଆସୋସିଏସନର ନିର୍ବାଚନ ଆଲୋଚନାରେ ବହୁତ ଚର୍ଚ୍ଚା ହୋଇଥିଲା । କାରଣ ମତଦାନ କିପରି ହେବ ସେ ନେଇ ମତଭେଦ ରହିଥିଲା । ପରେ ସିନିୟର ଆଡଭୋକେଟ୍ ଜୟଦୀପ ଗୁପ୍ତାଙ୍କ ନେତୃତ୍ୱରେ ନିର୍ବାଚନ କମିଟି ଅମରାଇରୁ ନିଷ୍ପତ୍ତି ନେଇଥିଲା ଯେ, ନିର୍ବାଚନ ଭର୍ଚୁଆଲ୍ ମୋଡ୍ ମାଧ୍ୟମରେ ହେବ । କୋଭିଡକୁ ଦୃଷ୍ଟିରେ ରଖି ସକାଳ ୭ ଟାରୁ ସନ୍ଧ୍ୟା ୭ ଟା ମଧ୍ୟରେ ଅନଲାଇନ୍ ଭୋଟ୍ ହୋଇଥିଲା ।