କଟକ : କୈବଲ୍ୟ ସାହିତ୍ୟ ସଂସଦ, କଟକ ପୃଥିବୀରେ ଗୋଟିଏ ସ୍ଵୀକୃତିପ୍ରାପ୍ତ ଭାଷା ଓଡ଼ିଆ ଭାଷାର ବହୁଳ ପ୍ରଚାର ପ୍ରସାର କରିବା ଉଦ୍ଦେଶ୍ୟରେ ବିଶ୍ଵ ରେକର୍ଡ ପାଇଁ ବର୍ଷ ୨୦୨୨-୨୩ ପାଇଁ ଆବେଦନ କରିଛନ୍ତି । କୈବଲ୍ୟ ସାହିତ୍ୟ ସଂସଦ ଓଡ଼ିଆ ଭାଷାର ପ୍ରଚାର ପ୍ରସାର କରିବା ଏବଂ ଜଗନ୍ନାଥ ସଂସ୍କୃତିର ପ୍ରଚାର ପ୍ରସାର କରିବା ପାଇଁ ସ୍ଥାପନ କରାଯାଇଛି । ନବ କିଶୋର ସାମନ୍ତରାୟ ସ୍ମୃତି ସଂସଦ ଅଧୀନରେ ଏହା କାର୍ଯ୍ୟ କରୁଛି । ନିଜ ଅନୁଷ୍ଠାନର ମୌଳିକତାକୁ ନେଇ କାର୍ଯ୍ୟ କରୁଛି । ବର୍ଷ ୨୦୨୨-୨୩ରେ ଅନୁଷ୍ଠାନ ୧୯ ଗୋଟି ରାଜ୍ୟସ୍ତରୀୟ ଓଡ଼ିଆ ଭାଷା ସାହିତ୍ୟର ଏବଂ ଜଗନ୍ନାଥ ସଂସ୍କୃତି ପ୍ରଚାର ପାଇଁ କାର୍ଯ୍ୟ କରି ୨୨୦୦ରୁ ଅଧିକ କବି, ଲେଖକମାନଙ୍କୁ ସମ୍ବର୍ଦ୍ଧନା ପ୍ରଦାନ କରି ଉତ୍ସାହିତ କରିଛନ୍ତି । ନିଃସ୍ୱାର୍ଥପର ଓଡ଼ିଆ ସାହିତ୍ୟ ସାଧନା ଶେଷ ପର୍ଯ୍ୟନ୍ତ ଅନୁଷ୍ଠାନ ଜାରି ରଖିବ ବୋଲି ଅନୁଷ୍ଠାନର ସଭାପତି ଶ୍ରୀମତୀ ବିଜୟା ଲକ୍ଷ୍ମୀ ସାମନ୍ତରାୟ ପ୍ରକାଶ କରିଛନ୍ତି । ଅନୁଷ୍ଠାନରେ ପ୍ରତ୍ୟେକ୍ଷ ଏବଂ ପରୋକ୍ଷ ଭାବେ ୩ ହଜାରରୁ ଅଧିକ କବି, ଲେଖକମାନେ କାର୍ଯ୍ୟ କରୁଛନ୍ତି । ସାହିତ୍ୟର ବିଭିନ୍ନ ବିଭାଗର ନୂତନ କାର୍ଯ୍ୟକ୍ରମ କରି ଅନୁଷ୍ଠାନ ସମସ୍ତଙ୍କର ଆସ୍ଥା ଭାଜନ ହୋଇ ପାରିଛି । ସାହିତ୍ୟର କର୍ମଶାଳା, ଦରବାର, ସ୍ୱପ୍ନମହଲ, ଆଧ୍ୟାତ୍ମିକ ମହାସଭା, ପରଜାପତି ଶିଶୁ ଉତ୍ସବ, ପର୍ଯ୍ୟଟନ କର୍ମଶାଳା, ଚିଲିକା ତୀରେ, ବାର୍ତ୍ତା ସାହିତ୍ୟ ଉତ୍ସବ, ସବୁଜିମା ସାହିତ୍ୟ, ସାହିତ୍ୟ ସଂସ୍କୃତି ଇତ୍ୟାଦି ସାହିତ୍ୟର ନୂତନ ପ୍ରୟୋଗକୁ ପାଥେୟ କରି ଅନୁଷ୍ଠାନ ଓଡ଼ିଆ ଭାଷା ସାହିତ୍ୟରେ ନିଜର ଗରିମା ବହୁଗୁଣିତ କରିପାରିଛି । ଇତି ମଧ୍ୟରେ ବିଶ୍ୱରେ ପ୍ରଚଳିତ ୭ହଜାର ୧ଶହ ଭାଷା ମଧ୍ୟରେ ଏକ କ୍ଷେତ୍ରୀୟ ପ୍ରାଦେଶିକ ଓଡ଼ିଆ ଭାଷାର ବହୁଳ ପ୍ରଚାର କାର୍ଯ୍ୟ ପାଇଁ ଅନୁଷ୍ଠାନ ତରଫରୁ ଲିମକା ବୁକ୍ ଅଫ୍ ରେକର୍ଡ, ଗିନିଚ ବୁକ୍ ଅଫ୍ ରେକଡସ୍, ଇଣ୍ଡିଆ ବୁକ୍ ଅଫ୍ ରେକର୍ଡ, ନେସନାଲ ବୁକ୍ ଅଫ୍ ରେକଡସ୍ ଏହି ପରି ୪୦ରୁ ଅଧିକ ସଂସ୍ଥାକୁ ଆବେଦନ କରାଯାଇଛି । ଏହି ରେକର୍ଡ ମିଳିବା ନେଇ ଅନୁଷ୍ଠାନର ପ୍ରତିଷ୍ଠାତା ସମ୍ପାଦକ ଡ. ସଂଗ୍ରାମ କେଶରୀ ସାମନ୍ତରାୟ ଆଶାବାଦୀ । ଆଗାମୀ ଦିନରେ ନୂତନ ଶୈଳୀରେ ଏହି କାର୍ଯ୍ୟକ୍ରମ କରାଯିବ ବୋଲି ଆନୁଷ୍ଠାନର ଉପଦେଷ୍ଟା ମଣ୍ଡଳୀ ମତ ପୋଷଣ କରିଛନ୍ତି ।