ଡେଲାଙ୍ଗ, (ଦିଲ୍ଲୀପ କୁମାର ଧାଉଡିଆ) : ଡେଲାଙ୍ଗ ବ୍ଲକ ଅନ୍ତର୍ଗତ ଶ୍ରୀପୁରୁଷତ୍ତମପୁର ପଂଚାୟତ କୁଞ୍ଜର ଗ୍ରାମର ଗୋପିନାଥ ବରାଳଙ୍କ ଏକମାତ୍ର କନ୍ୟା ଶୁଭ୍ରଜ୍ୟୋତି ବରାଳ ଚଳିତ ବର୍ଷ ମାଟ୍ରିକ ପରୀକ୍ଷାରେ ଡେଲାଙ୍ଗ ବ୍ଲକରେ ସର୍ବାଧିକ ୫୬୩ ନମ୍ବର ରଖି ଶତକଡା ୯୪% ଆଣି ପରୀକ୍ଷାରେ ଉତ୍ତୀର୍ଣ୍ଣ ହୋଇଛନ୍ତି । ସେ ଡେଲାଙ୍ଗ ବ୍ଲକର ଶ୍ରୀପୁରୁଷତ୍ତମ ନୋଡାଲ ଉଚ୍ଚ ବିଦ୍ୟାଳୟର ଅଧ୍ୟୟନ କରୁଥିବା ବେଳେ ତାଙ୍କର ଏହି କୃତିତ୍ୱ ପାଇଁ ଚାରିଆଡୁ ପ୍ରଶଂସା ଓ ଅଭିନନ୍ଦନର ସୁଅ ଛୁଟିଛି । ଡେଲାଙ୍ଗ ସମେତ ବିଦ୍ୟାଳୟର ଶିକ୍ଷକ, ଶିକ୍ଷୟତ୍ରୀ ଓ ଅଭିଭାବକଙ୍କ ମହଲରେ ଆନନ୍ଦର ଲହରୀ ଖେଳିଯାଇଛି । ସେ ଭବିଷ୍ୟତରେ ନିଜକୁ ଜଣେ ଡାକ୍ତର ଭାବେ ଗଢି ତୋଲିବାକୁ ଚାହୁଁଥିବା ଇଚ୍ଛା ପ୍ରକାଶ କରିଛନ୍ତି ।