ଜେସିଆଇ ଟିଟିଲାଗଡ଼ ସିଟିର ନୂତନ ସଭାପତିଙ୍କ ଦାୟିତ୍ୱ ଗ୍ରହଣ ସମାରୋହ ଅନୁଷ୍ଠିତ : ୨୦୨୪ ପାଇଁ ସଭାପତି ଦାୟିତ୍ଵ ତୁଲାଇବେ ତ୍ରିଲୋକ ଜୈନ୍
ଟିଟିଲାଗଡ଼, (ସଞ୍ଜୟ କୁମାର ନାୟକ) : ଟିଟିଲାଗଡ଼ ସହରର ଜେସିଆଇ ଟିଟିଲାଗଡ଼ ସିଟି କ୍ଳବର ବର୍ଷ ୨୦୨୪ ପାଇଁ ନୂତନ ସଭାପତି ଏବଂ ପଦାଧିକାରୀ ସଦସ୍ୟଙ୍କ ଶପଥ ଗ୍ରହଣ ସମାରୋହ ସ୍ଥାନୀୟ ଡିଏନ୍ ରିସର୍ଟ ଠାରେ ସୋମବାର ସନ୍ଧ୍ୟାରେ ଅନୁଷ୍ଠିତ ହୋଇଯାଇଅଛି । ଏହି ଅବସରରେ ମୁଖ୍ୟ ଅତିଥି ଭାବେ ଟିଟିଲାଗଡ଼ ନାଗରିକ ମଞ୍ଚର ସଭାପତି ତଥା ସହରର ବରିଷ୍ଠ ଆଇନଜୀବୀ ସମ୍ମାନିତ ଅତିଥି ଭାବେ ଅଗ୍ରୱାଲ ସଭାର ସଭାପତି ତଥା ବିଜେଡ଼ିର ବରିଷ୍ଠ ନେତା ପ୍ରେମ ଚାନ୍ଦ ଜୈନ୍, ଜୋନ ସଭାପତି ଅମନ ଶୁକ୍ଳା ଯୋଗ ଦେଇଥିଲେ । ପ୍ରଥମ ବର୍ଷ ୨୦୨୩ରେ ହୋଇଥିବା ସମସ୍ତ କାର୍ଯ୍ୟର ବିବରଣୀ ପ୍ରଦାନ କରିଥିଲେ । ଏହାପରେ କ୍ଲବର ସଦସ୍ୟ ଯେଉଁମାନେ କ୍ଲବ ତରଫରୁ ହୋଇଥିବା କାର୍ଯ୍ୟ ତୁଲାଇବାରେ ସହଯୋଗ କରିଥିଲେ ସେମାନଙ୍କୁ ଆସିଥିବା ଅତିଥିଙ୍କ ଦ୍ୱାରା ଟ୍ରଫି ପ୍ରଦାନ କରି ସମ୍ମାନିତ କରାଯାଇଥିଲା । ଏହି ଅବସରରେ ସହରର ବିଭିନ୍ନ ଅନୁଷ୍ଠାନରୁ ଆସିଥିବା ବ୍ୟକ୍ତିଙ୍କୁ ସମ୍ବର୍ଦ୍ଧିତ କରାଯାଇଥିଲା । ପୁରସ୍କାର ବଣ୍ଟନ ପରେ ୨୦୨୩ ସଭାପତି ଅତୁଲ ଜୈନ୍ ୨୦୨୪ ପାଇଁ ତ୍ରିଲୋକ୍ ଜୈନ୍ଙ୍କୁ ପଦଭାର ଦେବା ସହ ବ୍ରୋଚ୍ ପ୍ରଦାନ କରିଥିଲେ । ଏହାପରେ ତ୍ରିଲୋକ ଜୈନ୍ ସଭାପତିତ୍ୱ ଅଭିଭାଷଣ ପ୍ରଦାନ କରିବା ସହ ନିଜର ନୂତନ ଟିମ ଘୋଷଣା କରି ଶପଥ ପାଠ କରାଇଥିଲେ । ଏହି କାର୍ଯ୍ୟକ୍ରମକୁ ସଫଳ କରାଇବାରେ ମନିସ ଗୁପ୍ତା, ସଞ୍ଜୟ ସୋନି, ଗୋପାଳ ଜୈନ୍, ମହେଶ ଅଗ୍ରୱାଲ, ବିକାଶ ଜୈନ୍, ଦୀପକ ଜୈନ୍ଙ୍କ ସମେତ କ୍ଳବର ଅନ୍ୟାନ୍ୟ ସଦସ୍ୟ ସହଯୋଗ କରିଥିଲେ ।