ଦେଓଗାଁ, (ମନୀଷ କୁମାର ସାହୁ) : ଦେଓଗାଁ ବ୍ଲକ ଉଡ଼ାର ଖେଳପଡିଆରେ ଗୋଲ୍ଡେନ୍ କ୍ରିକେଟ କ୍ଳବ୍ ଉଡାର ପକ୍ଷରୁ ହେଉଥିବା ଏକ ଦିବସୀୟ କ୍ରିକେଟ ପ୍ରତିଯୋଗିତା ଉଦ୍ଯାପିତ ହୋଇଯାଇଛି । ଉକ୍ତ ପ୍ରତିଯୋଗିତାରେ ନୂଆଁପାଲି, ଦେଓଗାଁ, ଚନ୍ଦ୍ରପୁର, ଶିରାବାହାଲ, ପାଣ୍ଢେଲ, ଲୁହୁରେନପାଲି, ଉଡାର(ଏ), ଉଡାର (ବି) ଦଳ ଅଂଶଗ୍ରହଣ କରିଥିଲେ । ଶନିବାର ଦିନ ଦେଓଗାଁ ଓ ଉଡାର (ଏ) ମଧ୍ୟରେ ହୋଇଥିବା ଫାଇନାଲରେ ଦେଓଗାଁ ଦଳ ଜିତି ଚାମ୍ପିଅନ ହୋଇଥିଲା । କମିଟି ପକ୍ଷରୁ ଶିବ ଛତ୍ରିଆ, ଆନନ୍ଦ ବିଶ୍ଵାଳ, ଗୋକୁଳ ପଧାନ, ଉଦୟ ପଧାନ, ଟିକେଶ୍ୱର ଛତ୍ରିଆ ପ୍ରମୁଖ ଖେଳ ପରିଚାଳନା କରିଥିଲେ । ଆଜିର ପ୍ରତିଯୋଗିତାକୁ ବ୍ରାହ୍ମଣୀଜୋର୍ ହାଇସ୍କୁଲର ଖେଳ ଶିକ୍ଷକ ବୀରେନ ସୁନା ସଭା ସଂଯୋଜନା କରିଥିବା ବେଳେ ଉଦ୍ଘାଟନୀ ଉତ୍ସବରେ ମୁଖ୍ୟ ଅତିଥି ଭାବେ ବିଶ୍ୱଜିତ୍ ପାତ୍ର(ପପୁ), ସମ୍ମାନିତ ଅତିଥି ଭାବେ ସୁବାସ ପଧାନ, ପରମାନନ୍ଦ ସାହୁ ଯୋଗ ଦେଇଥିଲେ । ସେହିପରି ଉଦ୍ଯାପନୀ ଉତ୍ସବରେ ବ୍ରାହ୍ମଣୀଜୋର ହାଇସ୍କୁଲର ଶିକ୍ଷକ ପ୍ରଦୀପ ଛତ୍ରିଆ ମୁଖ୍ୟ ଅତିଥିଭାବେ ଯୋଗ ଦେଇଥିଲେ ।
