ବୌଦ୍ଧ, (ବଂଶୀଧର ମାଝୀ) : କଣ୍ଟାମାଳ ବ୍ଲକ ଆମ୍ବଗାଁ ବିଜୁ ପଟ୍ଟନାୟକ ଖେଳ ପଡିଆରେ ୧୮ତମ ଗଙ୍ଗାରାମ ସ୍ମାରକୀ କ୍ରିକେଟ ପ୍ରତିଯୋଗିତା ଉଦଘାଟିତ ହୋଇ ଯାଇଛି । ପ୍ରଥମ ଲିଗ ମ୍ୟାଚ ଖେଳରେ ଉଡେନକୁ ୩ ୱିକେଟରେ ଖୁଣ୍ଟିଗୋରା ପରାସ୍ତ କରିଥିବା ବେଳେ ଦ୍ୱିତୀୟ ଲିଗ ମ୍ୟାଚରେ ବରଡିପଦର ଦଳକୁ ୧୬ରନରେ ପଳଶାଗୋରା ପରାସ୍ତ କରି ଖୁଣ୍ଟିଗୋରା ସହ ପ୍ରଥମ କ୍ବାଟର ଫାଇନାଲ ଖେଳିଥିଲା । ପଳଶାଗୋରା ଟସ୍ ଜିଣି ପ୍ରଥମେ ବ୍ୟାଟିଂ ଆରମ୍ଭ କରି ନିର୍ଦ୍ଧାରିତ ୮ଓଭର ଖେଳରେ ୬ୱିକେଟ ହରାଇ ୯୭ ରନ ସଂଗ୍ରହ କରିଥିଲା । ଜବାବରେ ଖୁଣ୍ଟିଗୋରା ଦଳ ସମସ୍ତ ୱିକେଟ ହରାଇ ୬୬ ରନ୍ ସଂଗ୍ରହ କରି ପରାଜୟ ବରଣ କରିଥିଲା । ବୁଲୁ ରଣା ଓ ସୁଦାମ ରଣା ଖେଳ ପରିଚାଳନା କରିଥିଲେ । ହିମାଂଶୁ ରଣା ସ୍କୋରର୍ ଥିଲେ । ଦେବାର୍ଚ୍ଚନ ରଣା ଓ ସାନୁ ରଣା ଧାରାବିବରଣୀ ପ୍ରଦାନ କରିଥିଲେ । ଗଙ୍ଗାରାମ ସ୍ମାରକୀ ଟ୍ରଷ୍ଟର ପ୍ରତିଷ୍ଠାତା ଦୟାନିଧି ରଣା ମୁଖ୍ୟ ଅତିଥି ଭାବେ ଯୋଗଦେଇ ଖେଳର ଶୁଭ ଉଦଘାଟନ କରିଥିଲେ । ଆଦିବାସୀ ନେତା ଦାମୋଦର ଭୋଇ, ଜନତା ହାଇସ୍କୁଲର ପ୍ରଧାନ ଶିକ୍ଷକ ଶୁକଦେବ ପଣ୍ତା, ଖେଳ ଶିକ୍ଷକ ମହେନ୍ଦ୍ର ସାହୁ ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ଖେଳାଳୀଙ୍କୁ ଉତ୍ସାହିତ କରିଥିଲେ । ଦେବେନ୍ଦ୍ର ରଣା, ମଣ୍ଟୁପ୍ରସାଦ ଗୁପ୍ତା, ପ୍ରତାପ ରଣା ପ୍ରମୁଖ ସହଯୋଗ କରିଥିଲେ ।
