ଭୋଗରାଇ, (ଶିବନାରାୟଣ ପାତ୍ର) : ଭୋଗରାଇ ବ୍ଲକ ଖରିଦପିପଳ ପଞ୍ଚାୟତ ଅନ୍ତର୍ଗତ ମିଆଁପାଟଣା ଗ୍ରାମରେ ଏକ ଦିବସୀୟ ଦିବାରାତ୍ର କ୍ରିକେଟ୍ ଟୁର୍ଣ୍ଣାମେଣ୍ଟ ସହିତ ସର୍ବଧର୍ମ ବନ୍ଧୁ ମିଳନ ଉତ୍ସବ ଅନୁଷ୍ଠିତ ହୋଇଯାଇଛି । ଉତ୍ସବକୁ ପୂର୍ବତନ ଜିଲ୍ଲା ପରିଷଦ ସଦସ୍ୟ ତଥା ଭୋଗରାଇ ପଞ୍ଚାତୟ ସମିତି ଅଧ୍ୟକ୍ଷାଙ୍କ ପ୍ରତିନିଧି ସମାଜସେବୀ ହେମନ୍ତ ବେହେରା ଉଦ୍ଘାଟନ କରିଥିଲେ । ଏହି ଉତ୍ସବରେ ପ୍ରାକ୍ତନ ସରପଞ୍ଚ ଶ୍ରୀପତି ଚରଣ ଜେନା ସଭାପତିତ୍ୱ କରିବା ସହ ମୁଖ୍ୟଅତିଥି ଭାବେ ଖରିଦପିପଳ ପଞ୍ଚାୟତର ସରପଞ୍ଚ ଦିବ୍ୟେନ୍ଦୁ ବିକାଶ ପାତ୍ର ଯୋଗଦେଇଥିଲେ । ମୁଖ୍ୟବକ୍ତା ଭାବେ ଓଡି଼ଆ ଭାଷା ଓ ସଂସ୍କୃତି ସୁରକ୍ଷା ପରିଷଦର ସମ୍ପାଦକ ତଥା ଆଇନଜୀବୀ ରାଜକିଶୋର ଜେନା ଯୋଗ ଦେଇ ପୀରବାବା ସର୍ବଧର୍ମର ପ୍ରତୀକ ଦେବତା ସହ ଉତ୍ସବଟି ସଦ୍ ଭାବନାର ସେତୁ ବୋଲି ଅଭିଭାଷଣ ପ୍ରଦାନ କରିଥିଲେ । ସମ୍ମାନିତ ଅତିଥି ଭାବେ ସମାଜସେବୀ କେଶବ ଚନ୍ଦ୍ର ପାଳ,ଖରିଦପିପଳ ସେବା ସମବାୟ ସମିତିର ସଭାପତି ଆଶୁତୋଷ ମହାନ୍ତି, ମୌଲବୀ ସେକ୍ ମଫସଲ, ସେକ୍ ବକ୍ତାବ୍, ସେକ୍ ଅଜମୁଲ୍, ବିରକୁମାର ମହାନ୍ତି, ଅଭିଜିତ୍ ପାଳ ପ୍ରମୁଖ ଯୋଗଦେଇଥିଲେ । ସମାଜସେବୀ ସେକ୍ ବଇରୁଦ୍ଦିନ ଓ ସେକ୍ ଲୋକମାନ୍ ଙ୍କଦ୍ଵାରା ଆୟୋଜିତ ଟୁର୍ଣ୍ଣାମେଣ୍ଟରେ ଆଠ ଗୋଟି କ୍ରିକେଟ୍ ଟିମ୍ ଅଂଶଗ୍ରହଣ କରିଥିବା ବେଳେ ବିଜେତା ମହାଗବ ଟିମକୁ ପୀରବାବା ଟ୍ରଫି ପ୍ରଦାନ କରାଯାଇଥିଲା । ଖେଳ ପରିଚାଳକ ଭାବେ ରାମଚନ୍ଦ୍ର ପାତ୍ର ଓ ପରମେଶ୍ଵର ଜେନା ଏବଂ ଧାରା ବିବରଣୀ ହିମାଂଶୁ ଦେ ପ୍ରଦାନ କରିବା ସହ ସ୍କୋରର୍ ଭାବେ ସାଜନ୍ ଓ ଭୋଲା ସହଯୋଗ କରିଥିଲେ । ଉକ୍ତ କାର୍ୟ୍ୟକ୍ରମରେ ସେକ୍ ସରାବ୍, ସେକ୍ ଜମୁନା, ଚୁନିଆ ପ୍ରମୁଖ ସମସ୍ତ ଯୁବବନ୍ଧୁ ଓ ଗ୍ରାମବାସୀ ସହଯୋଗ କରିଥିଲେ ।