ତୁରେକେଲା ଥାନା ଅଂଚଳରେ ପୁଣି ହାତୀ ଆତଙ୍କ : ପବିତ୍ର ମାଝିଙ୍କ ଘର ଭାଙ୍ଗିଲେ, ଉଜାଡିଲେ ପନିପରିବା ଚାଷ, କଦଳି ଗଛ
କଂଟାବାଂଜି, (ମନିଶ କୁମାର ହଂସ) : ତୁରେକେଲା ଥାନା ତଥା କଂଟାବାଂଜି ଫରେଷ୍ଟ ରେଂଜ ଅଧୀନସ୍ଥ ମହୁଲପାଟି ଯୋର୍ଖଣିଆ ପଡାର ପବିତ୍ର ମାଝଙ୍କ ଘରକୁ ଶନିବାର ରାତିରେ ହାତୀପଲ ଭାଙ୍ଗିଦେବା ସହ ଧାନ ଖରି ଓ ବାଡିର ପନିପରିବା ଚାଷକୁ ନଷ୍ଟ କରିଥିବା ଜଚ୍ଚାପଡ଼ିଛି । ପବିତ୍ର ମାଝିଙ୍କ କହିବାନୁସାରେ ତାର ଘରକୁ ହାତୀପଲ ମାଡିଆସି ହଠାତ୍ ଘରକୁ ଭାଙ୍ଗି ନିକଟରେ ଥିବା ଧାନ ଖରିକୁ ସଂପୂର୍ଣ୍ଣ ଖାଇ ଦେଇଛନ୍ତି । ପଡାର ଲୋକେ ମିଶି ହାତୀକୁ ଘଉଡାଇବା ପାଇଁ ଚେଷ୍ଟା କରିଥିଲେ । କିନ୍ତୁ ତୁରେକେଲା ଅଂଚଳରୁ ଲାଠୋର ରେଂଜ ଅଧୀନକୁ ପଳାଇଥିବା ୨୯ଟି ହାତୀ ବିଶିଷ୍ଟ ପଲ ପୁନର୍ବାର ଫେରି ଆସିଥିବା ଯୋଗୁଁ ପ୍ରାଣ ଭୟରେ ସର୍ଗିପଡାର ପୂର୍ବତନ ୱାର୍ଡ ମେମ୍ବରଙ୍କ ଘରେ ଲୁଚିଥିଲେ । ତୁରେକେଲା ଫରେଷ୍ଟ ରେଂଜ ଅଂଚଳକୁ ପୁନର୍ବାର ହାତୀ ପଲ ଆସିଥିବା ବିଷୟ ଏବଂ ହୋଇଥିବା କ୍ଷୟକ୍ଷତି ବିଷୟରେ ସ୍ଥାନୀୟ ରେଂଜର ଶ୍ରଦ୍ଧାଦେବ ବଡମାଲିଙ୍କ ଫୋନରେ ଯୋଗାଯୋଗ କରିବାରୁ ଫୋନ ସ୍ୱିଚ୍ଅପ୍ ହୋଇଥିବାରୁ କୌଣସି ମତାମତ ମିଳିପାରି ନାହିଁ । ପବିତ୍ର ମାଝିଙ୍କ କହିବା ଅନୁସାରେ ସୋମବାର ଦିନ କଂଟାବାଂଜି ଫରେଷ୍ଟ ରେଂଜ ଅଫିସକୁ ଯାଇ ହୋଇଥିବା କ୍ଷୟକ୍ଷତିର କ୍ଷତିପୁରଣ ପାଇଁ ଲିଖିତ ଜଣାଇବେ ।