ସମ୍ବଲପୁର : କ୍ଷେତରାଜପୁର ରେଳଷ୍ଟେସନ୍ ନିକଟରୁ ଦଲଦଲିପଡାର ବବୁଲୁ ସତନାମୀ(୨୯)ଙ୍କ ବାଇକ୍ ଚୋରି ହୋଇଥିବା ଅଭିଯୋଗ ହୋଇଛି । ସୂଚନା ଅନୁସାରେ ବବୁଲୁ ସତନାମୀ ସୋମବାର ସନ୍ଧ୍ୟା ୭ଟା ୩୦ମିନିଟ ସମୟରେ ତାଙ୍କ ସାଙ୍ଗ ସୋନୁ ସତନାମୀଙ୍କ ସହ ଚା’ ପିଇବା ପାଇଁ ସେଠାକୁ ଯାଇଥିଲେ । ଏହି ସମୟରେ ତାଙ୍କୁ ଏକ କଲ୍ ଆସିବାରୁ ସେ କଥା ହୋଇ ଅନ୍ୟ ଏକ ପାଶ୍ୱର୍କୁ ଚାଲି ଯାଇଥିଲେ । ସାଙ୍ଗେ ସାଙ୍ଗେ ଫେରି ଦେଖିବା ବେଳକୁ ସେଠାରେ ତାଙ୍କ ବାଇକ୍ ନଥିଲା । ଖୋଜା ଖୋଜି କରି ନ ପାଇବାରୁ ତାଙ୍କ ବାଇକ୍ ଚୋରି ହୋଇଥିବା ନେଇ ସେ ମଙ୍ଗଳବାର ଦିନ ଥାନାରେ ଅଭିଯୋଗ କରିଥିଲେ । ପୁଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।