ବୌଦ୍ଧ,(ବଂଶୀଧର ମାଝୀ): କଣ୍ଟାମାଳ ବ୍ଲକ ଖଟଖଟିଆ ଗ୍ରାମର ଦାମୋଦର ନନ୍ଦଙ୍କ ସୁପୁତ୍ର ଡ.କରୁଣାକର ନନ୍ଦ ଯିଏକି ବାଙ୍ଗାଲୋର ସ୍ଥିତ ଭାରତୀୟ ବିଜ୍ଞାନ ସଂସ୍ଥାନର ପ୍ରଫେସର୍ ଅଛନ୍ତି ସେ ଏବଂ ତାଙ୍କର ସହଯୋଗୀ ଡ. ରବିନନ୍ଦନଙ୍କ ସହାୟତାରେ ନୂଆଁଖାଇ ପର୍ବ ଉପଲକ୍ଷେ ଗରିବ ପରିବାରକୁ ଖାଦ୍ୟ ସାମଗ୍ରୀ ବଣ୍ଟନ କରାଯାଇଛି । ବ୍ଲକର ଖଟଖଟିଆ ପଞ୍ଚାୟତର ଖଟଖଟିଆ, ସିନ୍ଦୁରପୁର, ବ୍ରାହ୍ମଣୀ, ଦମାମୁଣ୍ତା, ସହରିପାଲି, ଜାଲପାଲି ଆଦି ଗ୍ରାମର ଆର୍ଥୀକ ଦୁର୍ବଳ ପରିବାରକୁ ନୂଆଁଖାଇ ଉପଲକ୍ଷେ ଉଭୟଙ୍କ ମିଳିତ ସହଯୋଗରେ ଖାଦ୍ୟ ସାମଗ୍ରୀ ବଣ୍ଟନ କରାଯାଇଥିବା ଜଣାପଡିଛି । ଉକ୍ତ ବଣ୍ଟନ କାର୍ୟ୍ୟକ୍ରମରେ ସଂକୀର୍ତ୍ତନ ଦେହୁରୀ, କୁନ୍ଦନ ଦେହୁରୀ, ବାଦଲ ଦଳବେହେରା, ରୀଙ୍କୁ ମିଶ୍ର, ଚତୁର୍ଭୁଜ କର୍ଣ୍ଣ ଏବଂ ସ୍ୱେଚ୍ଛାସେବୀ ସଚିତାନନ୍ଦ ମିଶ୍ର ପ୍ରମୁଖ ସହଯୋଗ କରିଥିଲେ । ବିଜ୍ଞାନ ପ୍ରତି ଛାତ୍ରଛାତ୍ରୀଙ୍କ ମନରେ ଆଗ୍ରହ ସୃଷ୍ଟି କରିବା ପାଇଁ ହାଇସ୍କୁଲ ସ୍ତରରେ କୁଇଜ୍ ପ୍ରତିଯୋଗିତା ଆରମ୍ଭ କରିବାକୁ ଯୋଜନା ରଖିଥିବା ପ୍ରଫେସର ଶ୍ରୀନନ୍ଦ ଜନାଇଛନ୍ତି ।