ପାଟଣା : ଓଡ଼ିଆ ସିନେମା ଜଗତ ତଥା ଯାତ୍ରା ଜଗତର ଜଣାଶୁଣା ଅଭିନେତା ରାଇମୋହନ ପରିଡାଙ୍କ ଶୁକ୍ରବାର ଅକାଳ ବିୟୋଗ ଘଟିଛି । ତାଙ୍କ ମୃତ୍ୟୁକୁ ନେଇ ଜନ୍ମ ମାଟି କେନ୍ଦୁଝର ଜିଲ୍ଲା ପାଟଣା ଥାନା ଉଦୟପୁର ପଞ୍ଚାୟତ ଉଦୟପୁର ପରିଡା ସାହିରେ ଶୋକର ଛାୟା ଖେଳିଯାଇଛି । ଏହି ପରିପ୍ରେକ୍ଷୀରେ ଗାଁର ଛାତ୍ର ଏବଂ ଯୁବକମାନେ ଶୁକ୍ରବାର ରାତିରେ ରାଇମୋହନଙ୍କ ଫଟୋ ଚିତ୍ର ଧରି ଏକ କ୍ୟାଣ୍ଡେଲ ଶୋଭାଯାତ୍ରାରେ ବାହାରିଥିଲେ । ଏହି ଶୋଭାଯାତ୍ରା ଜଗନ୍ନାଥ ମନ୍ଦିରରୁ ବାହାରି ପୈତୃକ ଘର ପରିକ୍ରମା କରି ମା’ଅନ୍ଧାରୀଙ୍କ ମନ୍ଦିର ସମ୍ମୁଖରେ ଏକତ୍ରିତ ହୋଇଥିଲେ । ଏହି ଅବସରରେ ରାଇମୋହନଙ୍କ ଆତ୍ମାର ସଦ୍ଗତି କାମନା କରିଥିଲେ । ଶୋଭାଯାତ୍ରାରେ ଅମର ପରିଡା, ସିପୁନ ସାହୁ, ବିଭୂତି ସାହୁ, ପ୍ରଣବ ପହି, ଆଦିତ୍ୟ ବାଘେଲ, ଶୁଭମ ପରିଡା, ଦେବୁ ସିଂହ, ଓମ ମହାପାତ୍ର, ରଜତ ସିଂହ, ତାପସ ସାହୁ, ବାପୁଜୀ ସାହୁ, ପ୍ରଶାନ୍ତ କୁମାର ପରିଡା ପ୍ରମୁଖ ଉପସ୍ଥିତ ରହିଥିଲେ ।