ବଲାଙ୍ଗିର, (ଦେବାଶିଷ ମିଶ୍ର) : ବଲାଙ୍ଗିର ଜିଲ୍ଲା ରେଡକ୍ରସ ସୋସାଇଟି ତରଫରୁ ଆଗଲପୁର ବ୍ଲକ ଅନ୍ତର୍ଗତ ନଅଗାଁ (ଖ) ଗ୍ରାମରେ କରୋନା ସଚେତନତା ଓ ମାକ୍ସ ବଣ୍ଟନ ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟଅତିଥି ଭାବରେ ଲୋଇସିଂହାର ବିଧାୟକ ଡ. ମୁକେଶ ମହାଲିଙ୍ଗ ଯୋଗଦାନ କରିଥିଲେ । ଯେତେଦିନ ପର୍ୟ୍ୟନ୍ତ କରୋନା ଟିକା ସମସ୍ତଙ୍କୁ ମିଳିନାହିଁ ସେତେଦିନ ପର୍ୟ୍ୟନ୍ତ ଆମ୍ଭମାନଙ୍କୁ ସତର୍କତାମୂଳକ ପଦକ୍ଷେପ ଗ୍ରହଣ କରି ଶାରୀରିକ ଦୂରତା, ମାକ୍ସ ପରିଧାନ କରିବା, ବାରମ୍ବାର ହାତ ଧୋଇବା ଆଦି କାର୍ୟ୍ୟକୁ ଚାଲୁ ରଖିବା ପାଇଁ ମତ ପ୍ରକାଶ କରିଥିଲେ ।
ବିଧାୟକ ଶ୍ରୀମହାଲିଙ୍ଗ କାର୍ୟ୍ୟକ୍ରମକୁ ଶୁଭାରମ୍ଭ କଲାପରେ ରେଡକ୍ରସ ସ୍ୱେଚ୍ଛାସେବୀମାନେ ଡ୍ରମ ବଜାଇ ଗ୍ରାମରେ ଶୋଭାଯାତ୍ରା ମାଧ୍ୟମରେ ସଚେତନତା ବାର୍ତ୍ତା ପ୍ରଦାନ କରିବା ସହ ମାକ୍ସ ବଣ୍ଟନ କରିଥିଲେ । ଜିଲ୍ଲା ଜରୁରୀକାଳିନ ଅଧିକାରୀ ତଥା ଜିଲ୍ଲା ରେଡକ୍ରସ ସଂପାଦକ ରୀନା କୁମାରୀ ନାଏକଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ କାର୍ୟ୍ୟକ୍ରମରେ ଜୁନିୟର ରେଡକ୍ରସର କାଉନସିଲର ରାମ ନାରାୟଣ ଦାଶ, ରବିଚନ୍ଦ୍ର ପଶାୟତ, ଗୋପେଶ ପଣ୍ଡା, ରେଡକ୍ରସ କର୍ମୀ ମୀନକେତନ ଡାଙ୍ଗ ଓ ସୁରେଶ କମ୍ପ ପ୍ରମୁଖ ଅଂଶଗ୍ରହଣ କରିଥିଲେ ।
