ଯାଜପୁର : ଆଜି ଯାଜପୁର ଜିଲ୍ଲା ଗସ୍ତରେ ଆସିବେ ମହାମହିମ ରାଜ୍ୟପାଳ । ଦିନ ୧୧ଟା ସମୟରେ ପହଞ୍ଚି ପ୍ରଥମେ ମା’ ବିରଜାଙ୍କ ଦର୍ଶନ କରିବେ ପରେ ମିଶନ ଶକ୍ତି ଭବନ ପରିଦର୍ଶନ କରିବା ସହ ୧୫୦ ଜଣ ଏସ୍ଏସ୍ଜି ସଦସ୍ୟଙ୍କ ସହ ଆଲୋଚନା କରିବେ ।
ସେହିପରି ଏହି ଗସ୍ତ ଅବସରରେ ଖଣ୍ଡରା ଗ୍ରାମ ପଞ୍ଚାୟତରେ ପ୍ରଧାନମନ୍ତ୍ରୀ ଆବାସ ଯୋଜନା ପାଇଥିବା ହିତାଧିକାରୀ ମାନଙ୍କ ସହ ଆଲୋଚନା କରିବେ । ପରେ ଏକ ଅଙ୍ଗନୱାଡ଼ି କେନ୍ଦ୍ର ପରିଦର୍ଶନ କରିବେ । ଏହାପରେ ହରିପୁରରେ ଥିବା ପିଏଚ୍ସି କେନ୍ଦ୍ରକୁ ଯିବେ ଏବଂ ସେଠାର ଥିବା ଡାକ୍ତର ଏବଂ ରୋଗୀଙ୍କ ସହ ଆଲୋଚନା କରିବେ । ଏହାପରେ କୁଆଖିଆ ଅଭିମନ୍ୟୁ ସାମନ୍ତ ସିଂହାର ଭବନ ଗସ୍ତ ପରେ ସୁଆଁସାହିରେ ଥିବା ଆଶ୍ରମ ବିଦ୍ୟାଳୟ ଯିବେ । ସେଠାରୁ ମହାବିନାୟକ ଗସ୍ତ କରି ଠାକୁରଙ୍କୁ ଦର୍ଶନ କରିବେ ।