ବଲାଙ୍ଗିର, (କେପିଏନ୍ଏସ୍) : ବୌଦ୍ଧ ପୋଲିସ୍ ଦ୍ୱାରା ଉଦ୍ଧାର ହୋଇଛି ବଲାଙ୍ଗିରରୁ ଚୋରି ହୋଇଥିବା ନବଜାତକ ଶିଶୁପୁତ୍ର । ମିଳିଥିବା ସୂଚନା ଅନୁସାରେ ଗତକାଲି ବଲାଙ୍ଗିର ଭୀମଭୋଇ ମେଡିକାଲ କଲେଜ୍ ଓ ହସ୍ପିଟାଲର ଏସ୍ଏନ୍ସିୟୁରୁ ଏକ ନବଜାତକ ଶିଶୁ ପୁତ୍ର ନିଖୋଜ୍ ହୋଇଥିବା ନେଇ ସଂପୃକ୍ତ ପରିବାର ଲୋକେ ଅଭିଯୋଗ କରିଥିଲେ । ଅଭିଯୋଗ ପରେ ତଦନ୍ତ ଆରମ୍ଭ ହୋଇଥିଲା । ସିସିଟିଭି ଫୁଟେଜ୍ରୁ ତଥ୍ୟ ପାଇବା ପରେ ପୋଲିସର ଏକ ସ୍ୱତନ୍ତ୍ର ଟିମ୍ ସମ୍ପର୍କୀୟ(ନାନା)ଙ୍କୁ ଧରି ବୌଦ୍ଧ ଅଭିମୁଖେ ଯାଇଥିଲେ । ଶେଷରେ ବୌଦ୍ଧ ଜିଲ୍ଲା ଘଣ୍ଟାପଡ଼ା ନିକଟସ୍ଥ କଚେରମାଲ ଜଙ୍ଗଲ ସାହସପିଟା ଗାଁରୁ ଶିଶୁପୁତ୍ରକୁ ଉଦ୍ଧାର କରାଯାଇଛି । ତେବେ ଶିଶୁଟିର ଅବସ୍ଥା ଠିକ୍ ଥିବା ବେଳେ ଶିଶୁକୁ କିଏ ଅଦଳବଦଳ କରିଥିଲା ନା କିଏ ଜାଣିଶୁଣି ଶିଶୁପୁତ୍ର ଚୋରି କରିଥିଲା ବୋଲି ଆଲୋଚନା ହେଉଛି । ତେବେ ପୋଲିସ ଶିଶୁପୁତ୍ରକୁ ନେଇଥିବା ପରିବାରର ଦୁଇଜଣଙ୍କୁ ଅଟକ ରଖି ପଚରା ଉଚୁରା କରୁଥିବା ଜଣାପଡିଛି ।