ଜଗତସିଂହପୁର, (କେପିଏନ୍ଏସଏ) : ଜଗତସିଂହପୁର ଜିଲ୍ଲା ତିର୍ତୋଲ ବ୍ଲକ ଅନ୍ତର୍ଗତ ଇବ୍ରିସିଂହ ପଞ୍ଚାୟତରେ ପ୍ରବଳ ବର୍ଷା ଯୋଗୁଁ ପାଚିଲା ଧାନ ଜମିରେ ପାଣି ଜମି ଧାନ ଫସଲର ବ୍ୟାପକ କ୍ଷୟକ୍ଷତି ହୋଇଥିବା ଜଣାପଡିଛି । ଧାରକରଜ କରି ଚାଷୀ ଧାନ ଚାଷ କରି ଅମଳ ସମୟକୁ ଟାକି ରହିଥିବାବେଳେ ଅଦିନିଆ ବର୍ଷା ଚାଷୀ ମୁହଁରୁ ହସ ଲିଭେଇ ଦେବା ସହ ତାର ଆର୍ଥିକ ମେରୁଦଣ୍ଡ ଭାଙ୍ଗି ଦେଇଛି । ଏହି ଅଞ୍ଚଳରେ ଲୋକେ କେବଳ ଧାନ ଚାଷ ଉପରେ ନିର୍ଭରଶୀଳ ଥିବାରୁ ଏଭଳି ପରିସ୍ଥିତିରେ କିପରି ଋଣ ସୁଝିବେ ଏବଂ ନିଜର ପରିବାର ପ୍ରତିପୋଷଣ କରିବେ ଏହି ଚିନ୍ତାରେ ଚାଷୀର ନିଦ ହଜିଯାଇଛି ।