ବୌଦ୍ଧ, (ବଂଶୀଧର ମାଝୀ) : କଣ୍ଟାମାଳ ବ୍ଳକ କୁଲୁତାଯୋର ପଞ୍ଚାୟତ ଜୟ ଜଗନ୍ନାଥ କ୍ରିକେଟ କ୍ଲବ ଫାସେଡ ଦ୍ବାରା ଆୟୋଜିତ ୧୫ତମ କ୍ରିକେଟ ପ୍ରତିଯୋଗିତା ଶୁକ୍ରବାର ଉଦ୍ଯାପିତ ହୋଇଯାଇଛି । ସ୍ଥାନୀୟ ଖେଳ ପଡ଼ିଆରେ ଚାଲିଥିବା କ୍ରିକେଟ ପ୍ରତିଯୋଗିତାର ଫାଇନାଲ ଖେଳ ଅର୍ଜୁନପୁର ଓ ବୀରାମୁଣ୍ତା ଦଳ ମଧ୍ୟରେ ଅନୁଷ୍ଠିତ ହୋଇଥିଲା । ଅର୍ଜୁନପୁର ଦଳ ଟସ୍ ଜିତି ପ୍ରଥମେ ବ୍ୟାଟିଂ କରିଥିଲା । ନିର୍ଦ୍ଧାରିତ ୮ ଓଭରରେ ୯ ୱିକେଟ ହରାଇ ୭୯ରନ କରିଥିଲା । ଜବାବରେ ବୀରାମୁଣ୍ତା ଦଳ ନିର୍ଦ୍ଧାରିତ ଓଭରରେ ୮ ୱିକେଟ ହରାଇ ୭୪ରନ କରି ୫ ରନ୍ରେ ପରାସ୍ତ ହୋଇଥିଲା । ବନବିହାରୀ ଭୋଇଙ୍କ ସଭାପତିତ୍ବରେ ଅନୁଷ୍ଠିତ ପୁରସ୍କାର ବିତରଣ ଉତ୍ସବରେ ଅତିଥି ଭାବେ ଶିକ୍ଷାବିତ ନିଳାଞ୍ଚଳ ଭୋଇ, ସମାଜସେବୀ ପ୍ରେମରାଜ ରଣା, ହିମାଂଶୁ ରଣା, ବଳଭଦ୍ର ପୁଟା ଏବଂ ନାଏବ ସରପଞ୍ଚ ଲିଙ୍ଗରାଜ ଧରୁଆ ଯୋଗଦେଇ ଉଭୟ ଦଳକୁ ପୁରସ୍କୃତ କରିଥିଲେ । ଅର୍ଜୁନ ମାଝୀ ଏବଂ ଆନନ୍ଦ ସେଠୀ ଖେଳ ପରିଚାଳନା କରିଥିଲେ । ରାହାସ ସେଠୀ ସ୍କୋରର ଥିଲେ । ଫକିର ଭୋଇ ଧାରାବିବରଣୀ କରିଥିଲେ । ଟିମ ମ୍ୟାନେଜର ପ୍ରେମଲାଲ ସାହୀ, ବୁଲୁ, ଅନିଲ, ସଂଜିତ, ପିଣ୍ଟୁ ଓ ସୁଶାନ୍ତ ପ୍ରମୁଖ ସହଯୋଗ କରିଥିଲେ ।