ପଦ୍ମପୁର, (ନିରୋଜ କୁମାର ପାଣୀ) : ପରିଣତି ବୟସରେ ବୃଦ୍ଧ ବୃଦ୍ଧାଙ୍କୁ ବାର୍ଦ୍ଧକ୍ୟ ଭତ୍ତା ପ୍ରଦାନ କରିବା ପାଇଁ ସରକାର ପକ୍ଷରୁ ବିଭିନ୍ନ ଯୋଜନା ପ୍ରଣୟଣ କରୁଛନ୍ତି । ହେଲେ ସରକାରୀ ବାବୁ ହେଉ କି ପଞ୍ଚାୟତ ପ୍ରଶାସନର ଦୂର ଦୃଷ୍ଟି ଅଭାବରୁ ପ୍ରକୃତ ହିତାଧିକାରୀ ସରକାରୀ ଯୋଜନାରୁ ବଞ୍ଚିତ ହେଉଛନ୍ତି । ବରଗଡ଼ ଜିଲ୍ଲା ପଦ୍ମପୁର ବ୍ଲକ ସର୍ଗିବାହାଲ ପଞ୍ଚାୟତ ଅଧୀନସ୍ଥ ପଣ୍ତରୀପାଣି ଗ୍ରାମରେ ରାମଚନ୍ଦ୍ର ମାହାର(୭୦) ଜଣେ ଅତ୍ୟନ୍ତ ଗରୀବ ଅସହାୟ ବୃଦ୍ଧ ଅଟନ୍ତି । ବୃଦ୍ଧ ବୟସରେ ଖଟି ଖାଇବାର ବୟସ ନାହିଁ । ବାର୍ଦ୍ଧକ୍ୟ ଭତ୍ତା ପାଇପାରୁ ନାହାନ୍ତି । ଏହି ବୃଦ୍ଧ ବ୍ୟକ୍ତି ପ୍ରତି ସଦୟ ହୋଇ ବାର୍ଦ୍ଧକ୍ୟ ଭତ୍ତା ତୁରନ୍ତ ପ୍ରଦାନ କରିବା ପାଇଁ ପ୍ରଶାସନ ନିକଟରେ ଦାବୀ ହେଉଛି ।