ବଲାଙ୍ଗିର, (କେପିଏନ୍ଏସ୍) : ଆଜି ସ୍ଥାନୀୟ ଜଳ ବିଭାଜିକା ଓ ମୃତ୍ତିକା ସଂରକ୍ଷଣ ସଭାଗୃହରେ ପ୍ରକଳ୍ପ ନିର୍ଦ୍ଦେଶକ ଜଳ ବିଭାଜିକା ଓ ଉପନିର୍ଦ୍ଦେଶକ ବିଜୟ ମୋହନରାଜ ହିଆଲଙ୍କ ବିଦାୟକାଳୀନ ସମ୍ବର୍ଦ୍ଧନା ବୈଠକ ଅନୁଷ୍ଠିତ ହୋଇଯାଇଛି । ଏଥିରେ ବଲାଙ୍ଗିର ଜିଲ୍ଲାର ସମସ୍ତ ଜଳ ବିଭାଜିକା ଓ ମୃତ୍ତିକା ସଂରକ୍ଷଣ କର୍ମଚାରୀ ଉପସ୍ଥିତ ରହି ତାଙ୍କ କାର୍ଯ୍ୟକଳାପର ଭୂୟସି ପ୍ରଶଂସା କରିଥିଲେ । ସେ ସମସ୍ତ କର୍ମଚାରୀମାନଙ୍କୁ ନିଜ ପରିବାରର ଏକ ସଦସ୍ୟ ରୂପେ ଗ୍ରହଣ କରି ସମସ୍ତଙ୍କୁ ଉଚିତ ପରାମର୍ଶ ଓ ଦିଗ୍ଦର୍ଶନ ଦେଇ ବଲାଙ୍ଗିର ଜିଲ୍ଲାର ଉନ୍ନତି ପାଇିଁ ସମସ୍ତେ ମିଳିମିଶି କାମ କରିବାକୁ ଆହ୍ବାନ କରିଥିଲେ ।ଏଠାରେ ନୂତନ ଭାବରେ ପ୍ରକଳ୍ପ ନିର୍ଦ୍ଦେଶକ ଜଳ ବିଭାଜିକା ଭାବରେ ମୋହିତୋଷ ଦାଶ ଯୋଗଦାନ କରିଛନ୍ତି । ସମସ୍ତଙ୍କ ସହଯୋଗରେ ବଲାଙ୍ଗିର ଜିଲ୍ଲାକୁ ଏକ ଅଗ୍ରଣି ଜିଲ୍ଲା ରୂପରେ ଦେଖିବାକୁ ସେ ସବୁ ବେଳେ ଚେଷ୍ଟିତ ରହିବେ ବୋଲି ସେ ତାଙ୍କର ସ୍ବାଗତ ଭାଷଣରେ ବକ୍ତବ୍ୟ ପ୍ରଦାନ କରିଥିଲେ । ପୂର୍ବତନ ପ୍ରକଳ୍ପ ନିର୍ଦ୍ଦେଶକ ବିଜୟ ମୋହନରାଜ ହିଆଲ ଓ ନୂତନ ପ୍ରକଳ୍ପ ନିର୍ଦ୍ଦେଶକ ମୋହିତୋଷ ଦାଶ ମହୋଦୟଙ୍କୁ ଉତ୍ତରୀୟ ଓ ପୁଷ୍ପଗୁଚ୍ଛ ପ୍ରଦାନ କରି କର୍ମଚାରୀଙ୍କ ତରଫରୁ ସ୍ୱାଗତ ସମ୍ବର୍ଦ୍ଧନା ଦିଆଯାଇଥିଲା ।