ପଦ୍ମପୁର, (ନିରୋଜ କୁମାର ପାଣୀ) : ବଦାନ୍ୟ ବନ୍ଧୁ ପକ୍ଷରୁ ଉପାନ୍ତ ଅଞ୍ଚଳରେ ଶୀତବସ୍ତ୍ର ବଣ୍ଟନ କରାଯାଇଛି । ବରଗଡ଼ ଜିଲ୍ଲାରେ ପ୍ରବଳ ଶୀତ ଲହରି ଜାରି ରହିଛି । ଏଥିପାଇଁ ବରଗଡ଼ ଜିଲ୍ଲାର ଅଗ୍ରଣୀ ସ୍ବେଚ୍ଛାସେବୀ ସଂଗଠନ ବଦାନ୍ୟ ବନ୍ଧୁ ପକ୍ଷରୁ ଜିଲ୍ଲାର ଉପାନ୍ତ ଅଞ୍ଚଳ ମାନଙ୍କରେ ରହୁଥିବା ଅସହାୟ ଗରିବ ଲୋକଙ୍କୁ ଶୀତବସ୍ତ୍ର ବଣ୍ଟନ କରାଯାଉଛି । ଏହି କ୍ରମରେ ପାଇକମାଲ ବ୍ଲକ ଅନ୍ତର୍ଗତ ବୁକ୍ରାମୁଣ୍ଡା ଗ୍ରାମରେ ଅସହାୟ ବୟୋଜ୍ୟେଷ୍ଠ ମାନଙ୍କୁ ଶୀତରୁ ଟିକିଏ ରକ୍ଷା ପାଇବା ପାଇଁ ବଦାନ୍ୟ ବନ୍ଧୁ ତରଫରୁ ଉନ୍ନତ ମାନର ଶୀତବସ୍ତ୍ର ବଣ୍ଟନ କରାଯାଇଥିଲା । ଏହି ଅବସରରେ ବଦାନ୍ୟ ବନ୍ଧୁର ମୁଖ୍ୟ ସୁବ୍ରତ କୁମାର ବିର୍ତ୍ତିଆଙ୍କ ସହିତ ବୁକ୍ରାମୁଣ୍ଡା ବରିଷ୍ଠ ସାମ୍ବାଦିକ ତଥା ସମାଜସେବୀ ନିରଞ୍ଜନ ତ୍ରିପାଠୀ ଉପସ୍ଥିତ ରହି କମ୍ବଳ ବଣ୍ଟନ କରିଥିଲେ । ଏହି କମ୍ବଳ ବଣ୍ଟନ କାର୍ୟ୍ୟରେ ବିଜୟ ଲକ୍ଷ୍ମୀ ସ୍ବୟଂ ସହାୟକ ଗୋଷ୍ଠୀର କଲ୍ୟାଣୀ ସାହୁ, ଟୁନି ଭୋଇ, ସୂବର୍ଣା ବିଶ୍ବାଳ, ଵିଲାଷିନୀ ବାରିକ, କୁମଦିନୀ ଭୋଇ ପ୍ରମୁଖ ସହଯୋଗ କରିଥିଲେ । ସହରାଞ୍ଚଳ ମାନଙ୍କରେ ଅନେକ ସ୍ବେଚ୍ଛାସେବୀ କମ୍ବଳ ବଣ୍ଟନ କରୁଥିବା ବେଳେ ପ୍ରବଳ ଶୀତ ହେଉଥିବା ଉପାନ୍ତ ଗ୍ରାମାଞ୍ଚଳ ମାନଙ୍କୁ ଆସି ଶୀତବସ୍ତ୍ର ବଣ୍ଟନ କରୁଥିବା ଯୋଗୁଁ ବଦାନ୍ୟ ବନ୍ଧୁ ସ୍ବେଚ୍ଛାସେବୀ ସଂଗଠନକୁ ବୁକ୍ରାମୁଣ୍ଡା ଗ୍ରାମବାସୀ କୃତଜ୍ଞତା ଜ୍ଞାପନ କରିଛନ୍ତି ।