ପଦ୍ମପୁର, (ନିରୋଜ କୁମାର ପାଣୀ) : ଏଥର ମହାଆଡ଼ମ୍ବରରେ ହେବ ବାସନ୍ତିକ ନବରାତ୍ର ଦୁର୍ଗାପୂଜା । ୨୯ ତାରିଖରୁ ପଦ୍ମପୁର ବଡ଼ବନ୍ଧ ବନନୁର୍ଗା ମନ୍ଦିରରେ ହେବ ବାସନ୍ତିକ ନବରାତ୍ର ଦୁର୍ଗାପୂଜା । ଶନିବାର ସଂଧ୍ୟା ୭ଟାରେ କଳସାଧିବାସ, ଅଙ୍କୁରାରୋପଣ ଓ ନବଦିନାତ୍ମକ ପୂଜା ଆରମ୍ଭ ହେବ । ସେହିଭଳି ରବିବାର ଦେବୀ ଆବାହନ ପୂଜା ସହ ଅଖଣ୍ଡ ଦୀପ ପ୍ରଜ୍ୱଳନ, ଚଣ୍ଡୀ ହୋମ ଆୟୋଜନ କରାଯିବ । ଏହି ସମୟରେ ୧୦୮ ଦୀପ ପ୍ରଜ୍ୱଳନ କରାଯିବାର କାର୍ଯ୍ୟକ୍ରମ ରହିଛି । ପ୍ରତିଦିନ ମା’ଙ୍କ ନିକଟରେ ଅନ୍ନଭୋଗ ଆଳତୀ ଓ ମିଷ୍ଟାନ୍ନ ଭୋଗ ଲାଗି ହେବ । ଚୈତ୍ର କୁଶ୍ନପକ୍ଷ ଆମାବାସ୍ୟାରୁ ଚୈତ୍ର ଶୁକ୍ଳପକ୍ଷ ଦଶମୀ ପର୍ଯ୍ୟନ୍ତ ନବରାତ୍ର ଦୂର୍ଗାପୂଜା ଆୟୋଜନ କରାଯାଉଥିବା ବନଦୁର୍ଗା ମନ୍ଦିର କମିଟି ପକ୍ଷରୁ ସୂଚନା ଦିଆଯାଇଛି । ଏପ୍ରିଲ ୭ ତାରିଖରେ ପୂର୍ଣ୍ଣାହୂତି ଓ ଘଟ ବିସର୍ଜନ କରାଯିବ ବୋଲି କହିଛନ୍ତି ବନଦୁର୍ଗା ମନ୍ଦିର ପରିଚାଳନା କମିଟି ସଭାପତି ଡଃ ପ୍ରଭାତ ନାରାୟଣ ତ୍ରିପାଠୀ ଓ ସମ୍ପାଦକ ଗୋପାଳ ଚନ୍ଦ୍ର ଭୋଇ । ବାସନ୍ତିକ ନବରାତ୍ର ଦୁର୍ଗାପୂଜା ଅବସରରେ ବହୁ ସଂଖ୍ୟାରେ ଭକ୍ତ ସାମିଲ ହୋଇଥାନ୍ତି । ଚଳିତ ବର୍ଷ ମଧ୍ୟ ବହୁ ସଂଖ୍ୟାରେ ଶ୍ରଦ୍ଧାଳୁ ଯୋଗଦେବେ । ଶାନ୍ତି ଶୃଙ୍ଖଳା ରକ୍ଷା ପାଇଁ କମିଟି ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି । ବହୁ ସଂଖ୍ୟରେ ଶ୍ରଦ୍ଧାଳୁ ଭକ୍ତ ମାନେ ଯୋଗଦେଇ ମାଁ ନବଦୁର୍ଗାଙ୍କ ସାନ୍ନିଧ୍ୟ ଲାଭ ପାଇବା ପାଇଁ ମାଁଙ୍କ ନବଦିନାତ୍ମକ ପୂଜାରେ ଯୋଗଦେବାକୁ ଆୟୋଜକ କମିଟିର ସଭାପତି ଡଃ ପ୍ରଭାତ ନାରାୟଣ ତ୍ରିପାଠୀ ଅନୁରୋଧ କରିଛନ୍ତି ।