ବୌଦ୍ଧ, (ବଂଶୀଧର ମାଝୀ) : ବୌଦ୍ଧ ଜିଲ୍ଲା ସଂଗ୍ରହାଳୟ ପରିସରରେ ଗୁରୁବାର ଅରମାସ୍ ପକ୍ଷରୁ ଅନୁଷ୍ଠିତ କ୍ଷୁଦ୍ର ପ୍ରଦର୍ଶନୀ କାର୍ଯ୍ୟକ୍ରମରେ କଣ୍ଟାମାଳ ବିଡ଼ିଓ କ୍ୟାଟୱାକ୍ କରିଥିବା ନଜରକୁ ଆସିଛନ୍ତି । ଏହି କାର୍ୟ୍ୟକ୍ରମରେ କୁନି ପୁଅଝିଅଙ୍କୁ ନେଇ ରଙ୍ଗାରଙ୍ଗ ପରିବେଶ ମଧ୍ୟରେ କ୍ୟାଟଓ୍ବାକ୍ର ଆୟୋଜନ କରାଯାଇଥିଲା । ଭାରତକୁ କୁନି ବିଶ୍ୱ ସୁନ୍ଦରୀ ଭାବରେ ପ୍ରତିନିଧିତ୍ଵ କରିବାକୁ ଥିବା ସମ୍ବଲପୁରର ପ୍ରତୀକ୍ଷା ଓ ବୌଦ୍ଧର ଅନୀଷା ଉଭୟ କାର୍ୟ୍ୟକ୍ରମରେ ପହଞ୍ଚି ରାମ୍ପରେ ଚାଲିଥିଲେ । ଏହି ଅବସରରେ କଣ୍ଟାମାଳ ବିଡ଼ିଓ ସୁଶ୍ରୀ ବନ୍ଦନା ଖଟୁଆ ରାମ୍ପରେ କ୍ୟାଟଓ୍ବାକ୍ କରି ସମସ୍ତଙ୍କ ଆକର୍ଷଣର କେନ୍ଦ୍ର ବିନ୍ଦୁ ପାଲଟିଥିବା ଦେଖିବାକୁ ମିଳିଥିଲା । କାର୍ଯ୍ୟକ୍ରମରେ ଜିଲ୍ଲାପାଳ ଲଲାଟେନ୍ଦୁ ମିଶ୍ର ଉଭୟ କୁନି ବିଶ୍ବ ସୁନ୍ଦରୀ ପ୍ରତିଯୋଗୀଙ୍କୁ ସମ୍ବର୍ଦ୍ଧିତ କରିବା ସହ ଶୁଭେଚ୍ଛା ଜ୍ଞାପନ କରିଥିଲେ ।