ଢେଙ୍କାନାଳ : ଢେଙ୍କାନାଳ ଅବକାରୀ ବିଭାଗ ପକ୍ଷରୁ ସୋମବାର ବିଭିନ୍ନ ସ୍ଥାନରେ ଚଢ଼ାଉ କରାଯାଇ ୧୩୮ ଲିଟର ଦେଶୀ ଏବଂ ୮ ଲିଟର ବିଦେଶୀ ମଦ ଜବତ କରାଯାଇଥିବା ଜଣାପଡିଛି । ତେବେମଦ ଚୋରାକାରବାର ଅଭିଯୋଗରେ ୮ ଜଣଙ୍କୁ ଗିରଫ କରାଯାଇଛି ।
ସୂଚନା ଅନୁସାରେ, ଅବକାରୀ କର୍ମଚାରୀ ଚଢ଼ାଉ ବେଳେ ଗଁଦିଆ ଥାନା ଅନ୍ତର୍ଗତ ବିଶ୍ୱନାଥପୁର ଗ୍ରାମର ଗୌରାଙ୍ଗ ବେହେରାଙ୍କ ଠାରୁ ୮ ଲିଟର ବିଦେଶୀ ମଦ ଜବତ କରାଯାଇଥିଲା । ସେହିପରି ସଦର ଥାନା ଘଟିପିରି ଗ୍ରାମର ନରବନ ସାହୁ, ଶଙ୍କରପୁର ଗ୍ରାମର ହେମନ୍ତ କୁମାର ସେନାପତି ଓ ଠକର ଗ୍ରାମର ସଙ୍ଗୀତା ଦେହୁରୀଙ୍କଠାରୁ ୨୦ ଲିଟର ଲେଖାଏଁ, ଅଉଖମା ଗ୍ରାମର କୈଳାସ ଚନ୍ଦ୍ର ସାହୁ ଓ ଶଙ୍କରପୁର ଗ୍ରାମର ଅଶାନ୍ତି ନାୟକଙ୍କଠାରୁ ୧୯ ଲିଟର ଲେଖାଏଁ, ଚନ୍ଦ୍ରଶେଖପ୍ରସାଦର ପ୍ରକାଶ ସାହୁଙ୍କଠାରୁ ୧୮ ଲିଟର ଓ ଖଙ୍କିରା ଗ୍ରାମର ବାବୁଲି ବେହେରାଙ୍କଠାରୁ ୨୦ ଲିଟର ଦେଶୀମଦ ଜବତ କରାଯାଇଛି । ସମସ୍ତ ଅଭିଯୁକ୍ତମାନଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଥିବା ବିଭାଗୀୟ ଅଧିକାରୀ ସୂଚନା ଦେଇଛନ୍ତି ।