ବଲାଙ୍ଗିର, (କେପିଏନ୍ଏସ୍) : ଗୋ ଗ୍ରିନ୍ ଏବଂ ସହଯୋଗ ଫାଉଣ୍ଡେସନ୍ ୭୫ତମ ବନ ମହୋତ୍ସବ ଅବସରରେ ୭୫ଟି ଗଛ ଲାଗାଇ ପରିବେଶ ସୁରକ୍ଷାରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ଉଠାଇଛନ୍ତି । ଏହି ଅବସରରେ ସୌମ୍ୟରଞ୍ଜନ ପଣ୍ଡା, ସହଦେବ ପ୍ରଧାନ ଏବଂ ଆର୍ତତ୍ରାଣ ପାଢିଙ୍କ ନେତୃତ୍ୱରେ ଏହି ବୃକ୍ଷରୋପଣ ଅଭିଯାନ ସମ୍ପନ୍ନ ହୋଇଥିଲା । ଏହି ଅବସରରେ ସୌମ୍ୟରଞ୍ଜନ ପଣ୍ଡା କହିଲେ, ‘ଆମର ଲକ୍ଷ୍ୟ ମାତ୍ର ଗଛ ଲଗାଇବା ନୁହେଁ, କିନ୍ତୁ ପରିବେଶ ପ୍ରତି ଲୋକଙ୍କ ମଧ୍ୟରେ ସଚେତନତା ବଢାଇବା ମଧ୍ୟ ଅଟେ । ଆମେ ଚାହୁଁଛୁ ଯେ, ଲୋକମାନେ ବୁଝନ୍ତୁ ଯେ, ଗଛ ଆମ ପାଇଁ କେତେ ମହତ୍ତ୍ୱପୂର୍ଣ୍ଣ । ସହଦେବ ପ୍ରଧାନ ଏହି ଅଭିଯାନ ବିଷୟରେ କହିଲେ, ‘ପ୍ରତ୍ୟେକ ଗଛ ଯାହା ଆମେ ଲଗାଉଛୁ, ଏହା ଆମର ଆଗାମୀ ପିଢ଼ୀଙ୍କ ପାଇଁ ଗୋଟିଏ ଉପହାର । ଆମେ ସମସ୍ତେ ମିଶି ଏହି ପୃଥିବୀକୁ ହରିତାଳ କରିବାକୁ ପଡ଼ିବ । ଆର୍ତତ୍ରାଣ ପାଢି କହିଲେ, ‘ଆମର ଫାଉଣ୍ଡେସନ୍ ପରିବେଶ ସୁରକ୍ଷା ପାଇଁ ସର୍ବଦା ପ୍ରତିବଦ୍ଧ ରହିଛି । ଏହି ବୃକ୍ଷରୋପଣ ଅଭିଯାନ ୭୫ତମ ବନ ମହୋତ୍ସବର ଏକ ଅଂଶ ଅଟେ ଏବଂ ଆମେ ଗର୍ବିତ ଯେ, ଆମେ ୭୫ଟି ଗଛ ଲଗାଇଛୁ । ଏହି କାର୍ଯ୍ୟକ୍ରମ ଅନେକ ସ୍ଥାନୀୟ ନାଗରିକ ଉପସ୍ଥିତ ଥିଲେ । ଫାଉଣ୍ଡେସନ୍ ତରଫରୁ ଏହି ଅଭିଯାନରେ ଭାଗ ନେଇଥିବା ସମସ୍ତଙ୍କୁ ଧନ୍ୟବାଦ ଜଣାଇବା ସହିତ ଭବିଷ୍ୟତରେ ମଧ୍ୟ ଏଭଳି ଅଧିକ ଅଭିଯାନ ପାଇଁ ସମର୍ଥନ ଏବଂ ସହଯୋଗର ଆହ୍ୱାନ କରିଥିଲେ । ଏହି ବୃକ୍ଷରୋପଣ ଅଭିଯାନ ମାତ୍ର ପରିବେଶ ସୁରକ୍ଷାରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ନୁହେଁ, ବରଂ ସମାଜରେ ଏକ ସକାରାତ୍ମକ ସନ୍ଦେଶ ମଧ୍ୟ ଦିଏ ଯେ, ଆମେ ସମସ୍ତେ ମିଶି ଆମ ପୃଥିବୀକୁ ସୁରକ୍ଷିତ ଏବଂ ହରିତାଳ କରିବାକୁ ପଡ଼ିବ । ବଲାଙ୍ଗିରରେ ରଥଯାତ୍ରାର ପରଂପରା ବହୁ ପ୍ରାଚୀନ । ସମ୍ଭବତଃ ପାଟଣା ରାଜ୍ୟର ଶାସନ ମୁଖ୍ୟ ରମାଇଦେଓଙ୍କ ସମୟରୁ ଏହା ଆରମ୍ଭ ହୋଇଥିବା ଜଣାପଡେ । ଚଳିତ ବର୍ଷ ପବିତ୍ର ଘୋଷଯାତ୍ରା ଅବସରରେ ବଲାଙ୍ଗିର ଜିଲ୍ଲା ସୂଚନା ଓ ଲୋକସମ୍ପର୍କ ବିଭାଗର ଆୟୋଜନରେ ଏହି ଘୋଷଯାତ୍ରାର ଧାରାବିବରଣୀ ପ୍ରଦାନ କରାଯାଇଥିଲା । ସହରର ମୁଖ୍ୟ ରାସ୍ତାରେ ଥିବା ଆଶିଷ ପ୍ଲାଜା ଠାରେ ସୂଚନା ଓ ଲୋକସମ୍ପର୍କ ବିଭାଗ ଅଧିକାରୀ ସରୋଜ କୁମାର ସାହୁଙ୍କ ପରିଚାଳନାରେ, ଶିକ୍ଷାବିତ୍ ସନାତନ ଠାକୁର, କବି ମଧୁସୂଦନ ନାୟକ, ସାମ୍ବାଦିକ ସନ୍ଦୀପ କୁମାର କୁଅଁର, ଅଧ୍ୟାପିକା ପ୍ରବଚିକା ଏଲୋରା ମିଶ୍ର ପ୍ରମୁଖ ବଲାଙ୍ଗିରର ରଥଯାତ୍ରା ପରଂପରା, ଜଗନ୍ନାଥ ତତ୍ତ୍ୱ, ଜଗନ୍ନାଥ ସଂସ୍କୃତି ସହ ବଲାଙ୍ଗିରର ସଂପର୍କରେ କହି ଧାରାବିବରଣୀ ପ୍ରଦାନ କରିଥିଲେ । ଏହି କେନ୍ଦ୍ରରେ ଜିଲ୍ଲା ସୂଚନା ଓ ଲୋକ ସମ୍ପର୍କ କାର୍ଯ୍ୟାଳୟର କେଶବ ବାଗ, ସୁରେଶ ପଟେଲ, କମଳା କାନ୍ତ ସାହୁ ପ୍ରମୁଖ ସହଯୋଗ କରିଥିଲେ ।